Kinsay bastos, Karen o Manny
JAV BANATI - Javier Yntig Tapulado (Banat) - February 23, 2019 - 12:00am

Kitang tanan lumalabay lang ning kalibotan. Dato ka man, o pobre, matahom o laksot, dakog grado, o gamay, kining tanang nahuptan sa tawo temporaryo ra gyud, diin sa yugto nga kuhaon na sa Kahitas-an ang hinulaman tang kinabuhi, ato ra ning ibilin dinhi sa yuta ug biyaan sa dayon.

 

Timan-i. Pagkahimugso nato, wala tay dala. Busa, inig kamatay, wala pud tay dad-on. Anugon lang ang nagtipun-og bahandi nga gitumpitumpi ning kalibotana pinaagi sa pagpangurakot.

Anugon lang ang kataas sa edukasyon ug propesyon nga gipaningkamotang maangkon. Kay oras nga i-recall na ta sa Ginoo, biyaan ra man ni nato.

Busa, unsa bay angay ampingan? Ang pagkamapahitas-on nga makalaglag sa kalag, o ang mithi sa pagpaubos nga makahatag og kinabuhing dayon?

Ang sikat nga news anchor, Karen Davila miimbitar ni Senador Manny Pacquiao isip guest sa iyang programang ANC show Headstart. Dinhi, iyang gipangutana si Manny kun uyon ba ang Pambansang Kamao nga ang makalansar pagka Senador ug Presidente dinhi sa ato, kadto lang mga Pilipinong degree holder? Ug ang gitubag ni Manny, ‘Yes’.

Gumikan sa maong tubag, medyo gipikhan si Manny ni Karen pinaagi sa pag-ingon, nga kun ang college degree usa sa mga rekisitos, si Pacquiao dili kuwalipikado.

Wala pa matagbaw si Karen nga nakaigo na’g straight jab ngadtong Manny, gidabodabohan pa gyud niya’g daghang pangutana ang Pambansang Kamao aron lang mapadayag nga si Manny wala gyuy kurso nga nahuman.

Nagkabuangbuang intawon ang boksidor pagsagang sa nagpungasing below the belt nga mga pangutana sa walay kaluoyng news anchor, uy!

Nakaingon kong below the belt, kay ang gibuhat ni Karen, sa akong pag-analisar, ha, is like adding insult to an injury.

Nasayod na man ta sa kinatibuk-ang estorya sa kinabuhi ni Manny. Nga siya gikan sa kapobre, nga siya high school dropout. Gani, gibuhatan pa man kinig pelikula. Unya, nganong ukayon pa man ni Karen ang mga bukog nga hagbay rang gilubong sa kalimot?  Aron lang sakitan ang mga minilyong Pinoy nga nagmahal ni Manny?

Tan-awa ra gud unsay gibawos ni Manny ngadtong Karen? Smile ra gyud. Karon, kun taparon nato ilang duha ka kinaiya, kinsa ang bastos: si Karen, o si Manny? 

KAREN DAVILA MANNY PACQUIAO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with