Pait ang bunga sa kadanghag
JAV BANATI - Javier Yntig Tapulado (Banat) - February 22, 2019 - 12:00am

Kada kompaniya, dako man o gamay, aduna gyuy House Rules and Regulations ug Standard Operations Procedures nga maoy  sumbanan sa tanang empleyado, from rank and file to top managers.

 

Ang mosupak o masipyat, silotan: gikan  sa verbal warning ngadto na sa  dismissal, o pagkataktak sa serbisyo.

Sa amo lang trabahoan, diin sobra kaestrikto ang Macau managers nga midala namo kaniadto, kun adunay empleyado nga mosukol-makig-away og VIP guest, duruha ra gyuy mapuntariyahan sa empleyado: either preventive suspension, or ma-fired out.

Mao nga kun makakustomer gani mi’g maldita, bagsik o palayawyaw, among ibawos, smile ra gyud although our heart is aching.

Usab, ‘Honesty is company’s policy.’ Oras nga masakpan ang empleyado nga mangawat ug mamakak, kini kuhaa’g company’s ID ini’g gawas sa trabaho ug dili na makasulod forever.

Gumikan niini, kaming tanan nagmatngon nga dili makalapas sa patakaran sa among kompaniya. Nagkinto mi kanunay, kay oras nga masipyat, sayon ra gyud  ming bughaon.

Ang ospital aduna puy kaugalingong balaod nga gipasunod sa ilang doctors, nurses, midwives ug sa tanang hospital personnel. May mga protocols sab sila nga angay nilang irespeto sa usa’g-usa.

Pagluwas sa himalatyong kinabuhi maoy ilang trabaho. Obligasiyon nila ang pagtabang sa talandugong pasyente kutob sa unsay ilang mahimo sama sa paghatag gilayon niini og tukmang pang-emerhensiya nga ekipo ug medisina nga idapat sa nagpakiluoyng lawas aron masalbar gikan sa nag-atang nga anino sa kamatayon.

Ug gibuhat ba kini sa attending nurses sa Tuburan District Hospital ngadto sa himalatyong pasyenteng Gembe Casas, kinsa napusilan sa usa ka anti-drug operation ning miaging pipila ka adlaw? Pokus ba pirme ilang paningkamot pagtabang sa daw giihawng manok nga pasyente?

O, usa kanila nalingaw’g kuhag video sa pasyenteng tabangonon, diin gi-upload ug gipasapasa ang maong kuha aron lang makita sa social media unsa sila kadanghag diha sa ilang pagpangalagad?

Gikan sa suspenso, gisaka ngadto sa pagkataktak sa tulo ka nars ang silot nga gipahamtang sa Provincial Health Office, Grievance Committee nga giaprobahan sab ni Gob. Hilario Davide III. Gani, may mga mahigugmaon man sa human rights nga gusto gyung patangtangan sa ilang lisensiya ang  maong mga nurses.

Pagkapait sa nahimong bunga sa ilang kadanghag!

VIP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with