Patay’ng kamera, buhing mikropono
ARANGKADA - Leo Lastimosa (Banat) - February 22, 2019 - 12:00am

Human sa dul-an sa tulo ka tuig nga paghupot sa labing taas nga katungdanan sa nasud, si Presidente Rodrigo Duterte nahibawo na sa pipila ka detalye sa mga kamera sa live TV coverages, di lang sa media organizations kondili ug labi na sa Radio TV Malacañang (RTVM) nga nagsibya sa iyang mga diskurso sud ug gawas sa Palasyo.

 

Pananglitan, kun magsiga ang puwa nga suga ubos sa kamera sa iyang atubangan, nahibawo siya nga iyang nawong maoy nabantang.

Ug kun ubang kamera maoy magpuwa, ang mga nanambong maoy gikuhaan.

* * *

Napamatud-an sa presidente nga di na siya ihas sa TV cameras sa Malakanyang sa iyang diskurso human pirmahi ang Universal Health Care ug ubang balaod niadtong Miyerkules sa hapon.

Gisitsitan niyang cameraman sa iyang atubangan nga patyon ang camera.

Niawhag nga ang ulo sa cameraman maoy putlon ug nisenyas og laslas sa liog dihang nagpabiling nagsiga ang puwang suga.

Way nakahunghong sa presidente nga technical director ang makapawong sa camera sa iyang atubangan pinaagi sa pagpasud sa live video sa laing camera nga di siya maoy puntirya.

* * *

Dihang napawong na ang puwang suga, makapakugang ang iyang pasangil: Si Ashley Abad dayon niyang kamatay sa Sugbo ni-text sa iyang higala ug nakigtunga og tableta sa ecstacy kay ang laing tableta para sa iyang hinigugma.

Nagtuo bang presidente nga sa pagpawong sa kamera sa iyang atubangan di madunggan ang kasayuran atubangan sa daghang nanambong, apil nang mga sakop sa media, ug sa buhi nga mikropono sa iyang rostrum?

O di lang ganahan nga mabantang iyang nawong sa pagbutyag sa sekreto?

* * *

Kinsa may naghatag ni Presidente Duterte sa kasayuran? Gawas ni Cebu City Police Chief Royina Garma, kinsay lain niyang gikasulti labot sa kaso?

Kang kinsa mang mobile phone ang nakuhaan sa ebidensiya? May signal ba diay sa Ayala nga gipawong mang cell sites sa Cebu City ug kasilinganang mga dapit sa bisperas sa Sinulog?

Nganong tak-om man ang kapolisan sa kasayuran nga gibisto sa presidente?

Mao ba ni hinungdan nga nikalit sila og kalubay sa hinigugma ni Ashley nga si Nel Spencer Tiu ug gitago ang iyang pag-atubang ni Garma human nangisnab sa ilang mga imbitasyon?

* * *

leo_lastimosa@abs-cbn.com

RODRIGO DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with