Kontrobersiya sa hospital
SAKSAK SINAGOL - Lucky Malicay (Banat) - February 20, 2019 - 12:00am

Naabot na sa atensyon ni Department of Health Secretary  Francisco  Duque III  ang seryosong kontrobersiya nga gikalambigitan karon sa mga personnel sa Tuburan District Hospital kinsa gipasanginlan nga wala kuno magtagad sa usa sa pasyente.

Miorder si Duque og kopya sa report sa imbestigasyon sa lokal nga buhatan sa maong departmento. Gusto sa sekretaryo sa DOH nga masayod sa kinatibuk-an nga dagan sa maong insidente, nganong nahitabo kini.

Kahinumdoman nga nag-viral karon sa social media ang usa ka video sa usa ka pasyente nga nahilandig didto sa Tuburan District Hospital kinsa giingong namatay human kuno nga wala atimana sa mga staff sa maong medical facility.

Ang maong pasyente usa ka giingong nalambigit sa negosyo sa ilegal nga druga sa Tuburan kinsa sersyoso nga nasamdan atol sa operasyon sa otoridad. Kini ang hinungdan nga dali kining gidala ngadto sa maong tambalan.

Alegasyon sa tagtungod sa maong pasyente nga wala kuno kini tagda dayon sa mga staff sa maong hospital. Kini bisan kuno sa sigeng pagpangayo og tabang niini. Ang nakaporke mao nga usa sa mga personnel sa maong tambalanan ang mikuha og video sa maong pasyente nga misirkular karon sa social media.

Kun tinuod kini nga alegasyon, dako gyud ang tulubagon sa tagdumala ug mga kawani sa maong district hospital. Tiaw mo nang gipasagdan lamang kuno ang maong pasyente. Nahutdan kini sa dugo ug nabugtuan gayud sa iyang kinabuhi.

Usa pa, angay usab nga manubag ang staff nga nagkuha sa video sa maong pasyente ug ang nagpakatap niini sa social media. Dako kaayo kini nga violation sa code of ethics sa ilang profession nga nagtangag ug seryosong silot.

Hinuon matud pa sa hepe sa Cebu Provincial Health Office nga dili tinuod nga nagpasagad ang ilang mga staff sa maong hospital sa maong pasyente. Apan miangkon siya nga adunay nurse nga nasuspenso karon tungod sa maong viral video.

Apan bisan pa niini, angay lamang nga susihon dili lamang sa PHO kondili sa ubang hingtungdan ahensiya ang maong insidente. Kana kay adunay alegasyon sa pagpabaya nagkinahanglan lamang usab og imbestigasyon.

 

HOSPITAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with