Osmeña vs Labella gipustahan
JAV BANATI - Javier Yntig Tapulado (Banat) - February 18, 2019 - 12:00am

Abi nakog sa bulangan ra magpustaanay ang mga sugarol base sa barog sa igtataring manok sulod sa ruydahan nga sa ilang pagpanghimbis:  salto molupad, maayo molabok ug paspas ang mga tiil nga mosiyapol sa higayon nga maghinasmagay na ang duroha ka armadong sunoy gikan sa ubos paingon sa itaas nga magbinukbokay hangtod mobalik-tugpa sa ubos, diin may usa  o parehong mangalup-og.

Ingon niini ang kahimtang sa tapad nilang Mayor Tommy Osmeña ug Bise Mayor Edgardo Labella, kinsa maoy magharong sa pagkamayor sa siyudad sa Sugbo ning eleksiyon sa Mayo 13, 2019.

Kinsa kaha nila ang modaog? Si Tommy nga istrikto pero daghag agi nga napuslan sa katawhan, o si Ed nga soft spoken pero usahay maoy tigpugong sa mga dagkong proyekto nga nahunahunaan ni Tommy?

Tungod sa taras ni Tommy, nasuko si Tatay Digong niya. May pagka Espanyol kuno iyang kinaiya. Nahiubos sab silang LTO-7 Director Victor Emmanuel Caindec, Police Regional Office-7 Director Chief Superitendent Debold Sinas, Cebu City Police Office Director Sr. Supt. Royina Garma ug uban pang mga dagko sa sosyedad gumikan sa mga delikadong isyu nga ambot nganong dili gyod sila magkasinabtanay?

Napasanginlan si Mayor Tommy nga nahiapil kuno sa listahan sa mga drug protector. Hinuon, niining bag-o, na-cleared o nalimpyo ra iyang pangalan.

Ang nakanindot lang sa iyang kinaiya, kay luyo sa mga sensitive pending cases nga giatubang, nagpadayon iyang kakugihan sa pagpangalagad sa katawhan.

Si Bise Mayor Ed buotan. Diyosnon ug kugihan. Pero may mitug-an nako, ilang silingan, hinuon dugaydugay na, nga si Ed, bise mayor man unta, ug nganong wala kuno makapaespalto sa bating dalan paingon sa ilang subdibisyon.

(I hope, nga this time, naaspalto na.)

Taga Tejero misulti nako, nga mibaliktad-suporta na ang mga lumolupyo ngadtong Labella. Usab, taga San Miguel, Camp Lapu-Lapu, Lahug, mipadayag  nga basig mobiya silang Tommy kondili mahusay ang gipuy-ang yuta sa mga retired military personnel nga gihilabtan sa mga mahilabtanon.

Apan may mga dapit  ning dakbayan nga pabiling diehard supporters ni Osmeña.

Sa laktod, dikit kaayo ang laban nilang Tommy ug Ed ning umaabot May 13 nga piniliay.

Busa, sama sa igtataring manok, Osmeña vs. Labella, sa mga sugarol gipustahan!

LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with