Dengue mas delikado

Nagmalamposon ang scare tactics sa Department of Health sa kampanya niini batok sa tipdas tungod kay naukay ang tanan kinsa gustong magpabakuna sa ilang mga anak aron makalikay sa peligro mugna sa naasoyng balatian.

Kini ilabi na pag deklarar sa ubang mga rehiyon ubos sa measles outbreak, hinoon dili ikalimod nga dako gyud kaayo ang pagsaka sa kaso sa tipdas.

Apan kumusta man ang kampanya sa dengue? murag nakatutok halos ang tanan sa tipdas ug nataligam-an ang kaso sa dengue nga mas delikado ug deadly itandi sa tipdas. Tinuod ang tipdas highly contagious o makatakod pero dili man seguro ingon ka deadly itandi sa dengue kay ang peligro sa measles mao man ang komplikasyon nga maoy hinungdan sa kamatayon sa mataptan niini kon dili madali.

Apan ang dengue sama ka delikado sa pinaagan sa usa ka poisonous nga mananap nga derektang mopatay sa mapaakan sa lamok nga nagdala niini.

Dako kaayo ang pagsaka sa kaso sa dengue karon ug daghan usab ang nakalas nga nagkinahanglan ug susamang pag tagad dili lang sa DOH kon dili natong tanan nga mga katawhan.

Gikinahanglan ang hugot nga attention sa problema sa dengue kay mas nabutang sa peligro ang kinabuhi natong tanan.

Kon tan awon nato ang data sa DOH mas daghan ang nataptan sa dengue kay sa tipdas ug mas daghan ang namatay sa maong balatian.

Ang tipdas adunay prevention nga mao ang vaccination apan ang dengue wala pay bakuna nga makapugong, aw naa unta kaniadto ang dengvaxia apan palpak man.

Ang prevention sa dengue dili ang bakuna kon dili ang basin nga pag mintinar sa kalimpyo sa paibot aron dili mosanay ang mga lamok nga nagdala og dengue.

Busa angayan lang nga patas ang awareness campaign sa tipdas ug dengue karong panahona.