Pagsininag tugalhab, sala ba?
Pagsininag tugalhab, sala ba?
JAV, BANATI! - Javier Y. Tapulado (Banat) - February 17, 2019 - 12:00am

Usa ka Pinay’ng freelance model nagsul-ob og seksi kaayong sinina didto sa Singapore’s Somerset MRT station samtang nagpaabot sa iyang turno nga makagamit sa POSB ATM machine.

 Wala siyay kalibotan, nga sa hilom gikodakan diay ang makaiibog niyang kahimtang sa usa ka lalaki nga diha sa iyang likod.

Ang nakaporke, kay gi-post kini sa social media, unya gikuninitan gilayon sa mga dukirok ug nahimong viral. Gipublikar pa gyod sa Chinese Daily Lianhe Wanbao, kinsa nagtuo nga may kabug-at ang maong isyu. Busa, sa tabian nilang mga  panid, gipabuhagay.

Very seductive gyod hinuon tinuoray ang matang sa sininang gihapin sa daw nagpangamay nga lawas sa maong model. Iyang sinina mubo ug very tempting.

Ang duruha ka pungtod sa iyang dughan, puwerting lugwaa. Samot na kay ang kilid sa ilokan luag ug tugalhab kaayo, ay, pastilan, ang katahom sa punoan namentana.

Side view ra tuod. Pero, haskang klaroha!  Kay ang kinatumyan rang bahin sa mga ugbon maoy nasalipdan.

Pagka suwerte niadtong lalakihang  mikuhag retrato sa seksing model nga libre. Sa mga photographer god, kinsa gustong mokuhag sexy photo shoots sa model, makigsabot pa sila sa manedyer nga naggunit sa model. Unya ang manedyer nay magbuot kanus-a ang pictorials ug pila ang presyo?

Dinhay higayon nga nakainterbiyu ko’g freelance model, kinsa adunay hulagway’ng naghubo tanan samtang naghigda sa kama, diin mga pulang gihay ra sa rosas ang nakatabon sa kinasensitibohang bahin sa iyang lawas, akong gipangutana kon pila man poy iyang gibayad sa photographer sa maong makapabungkas sa siper nga image.

Nagkatawa siyang mitubag: “Dili akoy mibayad. Kondili, ang photographer maoy mibayad nakog dako. Kay ila baya nang inegosyo ang mga nude but not naked nakong mga larawan. Diha sila makabawi ug makaganansiya sa ilang nagasto. Pero, usually, we did it in private.

And not in public places. Magsinina man tuod mig pinaseksi sa publiko, pero likayan gyod namo ang pagsuot og moda nga mora na lang pod mig naghubo. Ilabi na dinhi sa ato, diin daghang mata sa  simbahan ang nagtan-aw nimo.” Panapos niya.

Dinhi natubag ang pangutana sa kadaghanan, kon kadtong pagsul-ob sa freelance model og tugalhab nga sinina didto sa Singapore, sala ba?

 

PAGSININAG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with