Valentine’s Day

Daghan ang ni post kalabot sa gugma kay lagi Valentine’s Day na.  Hinuon dili kini mahitungod lang sa managhigugmaay kondili mahitungod usab kini sa tanang mga tawo sanglit ang gugma tawag man natong tanan.

Apil na niini ang mga tawo nga sa hilom naglihok aron mabuhi ug sa mga yanong tawo nga kanato misilbi. Matag adlaw ang Valentine’s Day ug matag adlaw panahon sa paghatag ning  maong gugma nga tim-os ug walay gipaabot.

Dili kini mahitungod sa gugmang makinaugalingon ug hakog, o bastos. Ang gugma nga maantigong mopaabot sa tukmang panahon ug sa tukmang higayon aron ang bisan unsang nasugdan ang mahatagan gayud og katumanan diha sa landong sa Diosnong Kinaadman. Belated Happy Valentine’s natong tanan!