Ang seguridad sa tawo
(Banat) - February 12, 2019 - 12:00am

Ang seguridad sa tawo (human security)usa ka konsepto sa seguridad nga nakiglambigit sa matag adlaw nga hagit nga giatubang sa katawhan nga walay labot ang isyu sa militar.

Ang seguridad sa tawo aduna kini pito (7) ka mga kategoriya nga gilangkoban niining mosunod: Ekonomiya, pagkaon, panglawas, kalikopan, kaugalingon, komunidad ug politikal nga seguridad.

Niining pito, ato lamang I-sentro ang atong paghisgot sa seguridad sa pagkaon tungod niining nagung-ong nga balaudnon sa pultahan sa Malakanyang ang Rice Tarrification Bill.

Kun ugaling mapirmahan na ni Presidente Rodrigo Roa Duterte ang Rice Tariffication Bill mahimo na unya kining balaud ug kun mahitabo kini mangandam na lang kitang daan sa umaabot nga panghitabo sa presyo sa bugas.

Ubos sa tariffication bill gihatag na ngadto sa pribadong sektor ang pag-angkat og bugas sa gawas sa nasud dili sama sa karon nga ang National Food Authority (NFA) lang ang makaangkat og bugas unya kun ugaling moangkat man ang pribadong sektor og bugas sa gawas gikinahanglan nga mananghid una kini sa NFA.

Sa Tariffication Bill dili na makabaligya og bugas ang NFA, igo na lamang kining magpundo og bugas nga panagana sa moabot nga kalamidad.

Ang Tariffication bill tubag sa Pilipinas sa pagsige og paningil sa World Trade Organization (WTO) sa gikomitir sa gobyerno mahitungod sa pag-angkat og bugas.

Ang gobiyerno mipasigarbo nga kun maaprubahan sa presidente ang Tariffication Bill mobarato na ang bugas og P5 - P7 ang matag kilo sa bugas tungod sa kompetisyon sa merkado sa bugas.

Sa ingon ani nga sitwasyon ako nabalaka nga basin dili na kita makakaon og bugas kay dili na maabot ang presyo niini kay naglumbaanay na sa pagpasaka sa presyo sa bugas ang mga negosyante niini.

Ang Rice Tariffication naghatag og hulga sa seguridad sa pagkaon sa katawhan busa dili maayong pirmahan sa Presidente.

HUMAN SECURITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with