Duterte gidayeg sa mga doktor
JAV BANATI - Javier Yntig Tapulado (Banat) - February 11, 2019 - 12:00am

May pipila ka sikat nga doktor ang nahinabi nako ug mipabuhagay sa ilang opinion bahin sa kinaiya ni Pres. Rodrigo Roa Duterte, kinsa sukad pa niadtong iyang paglansar sa pagka pangulo sa Pilipinas, sa hilom nga paagi, kusganon na nilang gisuportahan.

Samot na dihang midaog si Duterte pinaagi sa landslide nga botos.

Nasayod sila sa pagkahimalikas ni Duterte. Dugay na. Apan wala kini makakibhang bisan gamay sa ilang pagsalig sa talagsaong katakos nga pagdala niini sa renda sa Pilipinas kay nakita nila ang kamatinud-anong moserbisyo ni Duterte sa nagkinahanglang katawhan.

Kadto lang kunong higayon, diin may usa ka pasyente nga kinahanglang maoperahan dayon aron masalbar, pero naguol kay walay ikabayad sa mga doktor ug ospital, ilang gigiyahan ang tagtungod sa pagduol sa Malasakit Program ni Duterte ubos sa pagdumala ni Bong Go.

Ug sa walay daghang kuskos balungos, gipaadmit gilayon ang pasyente sa ospital, gihatagag batid nga doktor, gioperahan ug naluwas nga wala gyoy nabayran.

Diyosnon ang usa sa mga doktor nga akong nasuod. Ibabaw sa lamesa sulod sa iyang klinika, may folded calendar size stand, diin mabasa ang inadlawng biblical verses nga mohatag og kahayag sa nagdulom hunahuna sa pasyente.

Hinimba ang maong doktor. Apan dihay usa ka misa nga ang kasolemne sa iyang pagtambong, naguba sa homiliya sa pari, kinsa matod pa niya, nasigeg saway sa kinaiya ni Duterte, inay magpabilin unta ang pagkaamahanon sa pagpasabot unsa ang mga pagtulon-an nga nagpahipi sa sambingay gikan sa ebanghelyo nga iyang gibasa.

Ay, migawas siya! Kay samtang nagsul-ob og puting sotana ang pari timaan sa kalimpiyo’g kabalaan, mora man hinuog gidaot si Duterte atubangan sa nanimbahay?

Daw gikargahag maayo sa grabeng pagsaway ang utok sa katawhan aron maglagot ngadtong Duterte?

Maayo pa kuno si Duterte. Kay honest nga pagkatawo.

Gipakita gyod ang pagkahimalikas sa baba sukad pa kaniadto hangtod karon.

At least, walay gitago nga pagpakaaron-ingnon.

Baya nang uban, desente ug dalaygon kunong manulti, pero sa hilom, pagpangurakot ray nakamaohan.

Dili parehang Duterte, nga durian man tuod ang baba, pero daghang kaayohan nga nahimo sa katawhan ug sa atong nasod.

Kini ang hinungdan, nganong gidayeg si Tatay Digong sa mga doktor.

RODRIGO DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with