Gustong ipatangtang sa inahan ang apelyido sa amahan sa birth certificate

Dear Atty. Divine,

Duna koy illegitimate child. Gi-acknowkedge ni sa iyang amahan ug ang apelyido nga gigamit sa bata ang apelyido sa iyang amahan. Apan ang amahan wa gyud magsuporta sa bata bisan gamay, magsige lang og saad. Plano unta nako attorney  nga ipatangtang ang apelyido sa amahan sa Birth Certificate sa bata. Pwede ba ni nako nga buhaton? Daghang salamat. —Jenny

Dear Jenny,

Maglisud gyud  ka pagpatangtang sa apelyido sa amahan sa bata sa birth certificate sa imong anak. Gani duna nay mga kaso nga susama sa imong kaso nga nadesisyunan na sa Korte Suprema ug matud sa Supreme Court nga way katungod ang inahan nga motangtang o mopausab sa apelyido sa bata bisan kun kini illegitimate child. Matud sa labaw’ng hukmanan nga ang bata lang ang maka-decide kun kinsa nga apelyido ang iyang gamiton, ang sa iyang amahan ba or inahan, ug ipausab lang unya sa bata ang iyang apelyido kun siya moabot na og legal age ug siya mismo maoy mo-petition sa korte alang sa pag-usab sa iyang apelyido. Thanks and God bless. —Atty. Divine

* * *

Kin duna moy pangutana, ipadala lang pinaagi sa email sa [email protected] og akong tubagon ang inyong pangutana  pinaagi sa akong column matag Miyerkules, Sabado ug Domingo.