Serbisyo sa City Hall gubot
JAV, BANATI! - Javier Yntig Tapulado (Banat) - February 8, 2019 - 12:00am

Pebrero 4, 2019, Lunes, alas 9:00 pasado sa buntag, ang Treasury Office sa Cebu City Hall, gisulong sa makalilisang nga kadaghan sa mga kliyente, kinsa gustong mobayad sa tinuig nilang real estate tax ug sa manglukatay og sedula.

Sa pagkuha pa lang og priority number, taas na ang linya sa nagpaabot sa ilang turno. 

Batan-on ug tigulang murag mixed fruits ang kahimtang sa pagdinutdotay. Kay walay manggiluy-ong lane nga gilain para sa mga senior citizens.

Nag-andar baya ang tanang air-condition sa sulod. Pero wala makapiog ang kabugnaw niini sa kainit sa masig lawas sa tawo nga sa matag karon ug unya magkasaghiray gumikan sa grabeng kahuot nga daw pinitik sa dughan nga nagsinikhanay samtang nagpaabot kanus-a maatiman ang ilang tuyo sa pag-adto.

Ang nakadugang pagsugnib sa kainit mao ang taras sa pipila ka empleyada sa City Hall, kinsa morag mga pingpong players.

Lalim bay, dihang gipangutana sa kliyenteng naggunit nag priority number, kun unsay next step sa mobayad og real estate tax, gitudloan nga diretso na sa kahera.

Dihang giduol sa kliyente ang kahera, ang kahera miingon sab nga dili pa puwede. Kay iagi pag- evaluator?

Luoya lagi sa senior citizen, uy, nga murag bola sa pingpong nga murag gipasapasa lang sa mga himsog pag mga empleyado sa City Hall. May batan-ong wa kaagwanta.

Mipalag. Ug nagyawyaw: “Unsa man mong taga City Hall, wala man moy klaro mohatag og instruction?” Tingale, naluoy ang maong batan-on sa tigulang

Usa ko sa nakasaksi sa maong bati nga talan-awon. Nakaingon kong bati, kay kini gung mga magbubuhis, kanila gikan ang source of funds nga maoy kuhaan og suweldo sa mga empleyado sa City Hall.

Busa, nindot unta nga mahatagag suwabeng serbisyo.

Kini gung Pebrero, tingbayad gyud ni nako’g real estate tax. Sa 23 ka tuig kapin nakong binayad og buhis, wa gyuy paltos – ang kadali ra gyung mahuman! Pero sa miaging Lunes, Pebrero 4, haskang gubota sa serbisyo sa City Hall.

Mao nga wa gyud ko kabayad niining adlawa.

Kay sa akong tan-aw, something wrong with the system. Mura gyu’g umang nga nagkamang! Mayor Tommy, mapangitaan pa kaha ni natog maayong paagi aron mapaspas?

CITY HALL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with