Kompromiso sa budget
LINTUNGANAY - Fred Languido (Banat) - February 7, 2019 - 12:00am

Ugma maoy katapusang adlaw sa session sa Kongreso apan hangtud karon wala pa gihapon nila mahuman ang nasudnong budget.

Kinahanglan nga doblehon sa mga kongresista ug senador ang ilang lihok aron mapasar ang P3.7 trilyones nga budget alang niining tuiga sa dili pa sila mo-adjourn karong Biyernes.

Kun mapakyas sila pagpasar sa budget nagpasabot ni nga padayong gamiton sa gobyerno ang reenacted budget hangtud nga mapasar ang budget sa 2019.

Dili hinuon manirado ang gobyerno sama didto sa Amerika apan apektado gihapon ang pagpatuman og bag-o nga mga proyekto.

Kini tungod kay way pundo nga magamit alang niini ubos sa reenacted budget.

Usa sa posibling maapeke kun dili mahuman ang budget sa dili pa mo-adjourn ang kongreso mao ang eleksiyon karong Mayo. 

Asa man og pundo nga gamiton ang Commission on Elections pagpahigayon sa piniliay?

Si Comelec spokesperson James Jimenez miangkon nga usa sa maapiki mao ang honorarium sa mga magtutudlo nga moserbisyo sa eleksiyon.

Posible sab nga maapektohan ang procurement sa mga kagamitan sa eleksiyon sama sa mga balota ug uban pa nga mga election paraphernalia.

Samtang kanunay ta nga makadungog sa mga local government unit nga mogamit og reenacted budget, apan talagsaon ra ni nga mahitabo sa nasudnong budget. Ang pagpanday og balaod, apil niini ang General Appropriations Act o nasudnong budget, maoy nag-unang tahas sa mga Senador ug Kongresista.

Apan nganong napakyas sila pagtuman sa maong tahas nga masiguro nga dunay budget ang nasud pagsugod niining tuig?

Ang rason dayag ug tataw nga mao ang ka swapang sa pipila ka mga magbabalaod.

Ang pork barrel nga dugay nang gideklarar sa Korte Suprema nga illegal maoy nakalangay niini.  Nadiskubrehan ni Senador Panfilo Lacson nga dunay kapin sa P100 billion nga kantidad sa pork barrel nga gisukip diha sa budget.

Ug ang dakong pahat sa pork barrel giingong tua ibubo sa distrito ni House Speaker Gloria Macapagal Arroyo.

Gidugangan pa sa away nilang Budget Secretary Benjamin Diokno ug Kongresista Rolando Andaya. Kini maoy nakaingon nganong nakompromiso ang budget sa nasud.

 

BUDGET
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with