Pagbudhi
LINTUNGANAY - Fred P. Languido (Banat) - February 3, 2019 - 12:00am

Usa sa mga hinungdan nganong hangtud ‘ron wala gyud molusot sa kongreso ang Freedom of Information bill mao ang  kabalaka sa ubang mga kongresista nga masakpan ang ilang mga tinaguan.

Nabisto ni human ang mga membro sa SALN committee mipalabang og resolution naghimong lisud alang sa mga sakop sa media pagkuha og kopya sa ilang mga statement of assets liabilities and net worth.

Diha sa SALN makita unsay ilang mga kabtangan lakip na ang ilang mga interes sa negosyo ingon man ang mga paryente nga naa sa gobiyerno.

Usa sa mga nangamahan sa maong resolusyon mao ang sugboanon nga kongresista sa TUCP Partylist nga si Raymond Democrito Mendoza.

Uban niya ang chairman sa SALN committee nga si Yedda Romualdez ingon man sila si House Speaker Gloria Macapagal Arroyo, Majority Leader Fredenil Castro ug Mitos Magsaysay.

Base sa ilang resolution, kinahanglang mobayad og P300 matag kopya sa SALN ug kinahanglan pa og pagtugot sa komitiba.

Diha sa resolution, gihatagan og gahom ang komitiba nga mobalibad sa request kun sa ilang tan-aw makadaot nila.

Kun mohatag man og kopya dili nila ilakip ang listahan sa mga business interest ug mga paryente nga naa sa gobiyerno. Kinahanglan sab mobayad og P300 matag kopya.

Sa simple nga sumada, ang media kinahanglang mogasto og P90,000 aron makakuha og dili kumpleto nga listahan sa SALN sa mga kongresista.

Mao nga kun hangtud ron naglaom pa gihapon mo nga molusot sa kongreso ang FOI, pagmata na.

Sa eleksiyon karong Mayo ayaw patunto niining maong mga kongresista nga nihimong lisud sa publiko nga masusi ang ilang SALN.

Subo lang nga dunay Sugboanon nga lakip nila. Ang gihimo ni Mendoza nga pagsuporta sa maong resolution usa ka dakong pagbudhi sa kawsa sa mga mamumuo nga maoy iyang girepresentahan sa kongreso.

Importante alang sa publiko nga bukas ang atong mga opisyal nga masusi ang ilang SALN tungod kay dinhi nato masayran nangurakot ba sila diha sa pwesto.

Makita diha sa SALN unsa ka dako ang pagburot sa ilang katigayonan sukad sila napili. Kun imong ihikaw sa publiko ang kopya niini, nagpasabot ni nga duna kay gustong tagoan gikan sa mga tawo nga maoy nagbutang nimo sa pwesto.

PAGBUDHI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with