Nagkaupos
LINTUNGANAY - Fred Languido (Banat) - January 31, 2019 - 12:00am

Lima ka adlaw nalay nahabilin sa duha ka semana nga tagal ni PNP chief Oscar Albayalde ngadto sa kapolisan dinhi sa Sugbo aron sulbaron ang pagbanhig kang San Fernando Mayor Lakambini “Neneth” Reluya niadtong Martes, Enero 22, nga miresulta sa kamatayon sa iyang bana ug sa duha niya ka mga staff.

Apan hangtud ron wa pay klarong matumbok nga suspetsado ang kapolisan. Politika maoy ilang gisubay nga angulo sa krimin apan di nila direktang matumbok ang mga kaatbang ni Reluya nga maoy naghimo sa krimin tungod kay wa silay ebidensiya.

Bisa’g cartographic sketch nalang sa mga hitsura sa mi-ambush sa sakyanan ni Reluya way napresentar ang kapolisan hangtud ron. Sa nagka-upos nga oras sa tagal nga gihatag ni Albayalde, molampus kaha ang kapolisan pagtubag sa hagit?

Hinaut dili malamo-lamo ang imbistigasyon sa maong kaso tungod lang kay dunay giapas nga tagal ang kapolisan. Ug tingali mas  makatabang sa imbistigasyon kun di dayon sirad-an ang ubang mga angulo sa kaso.

Ang akong gipasabot nga dili kaha maayo og atong susihon ang laing posibling motibo gawas sa politika? Interesting kaayo ang mga panghitabo sa San Fernando sa wala pa mahitabo ang pagpamanhig tungod kay sunod-sunod ang nahitabo pagpatay sa mga opisyal sa maong lungsod. Ug hangtud karon ang maong mga kaso  pulos wala pa masulbad sa kapolisan.

* * *

Niadtong Martes sa buntag giingong gika-engkwentro sa mga sakop sa Provincial Intelligence Branch sa Cebu Provincial Police Office ang most wanted sa Talisay nga si Jerome Labitad uban sa uyoan niini nga si Felix Abacajan didto sa Barangay Campo 8.

Matud ni Senior Insp. Alejandro Batobalonos nasamdan si Labitad  human sa lima ka minutos nila nga engkwentro. Apan nakasibat si Labitad ug ang iyang uyoan.

Wala mokumpirmar ang kapolisan nga si Labitad maoy ilang suspetsado pagbanhig ni Reluya. Apan si Sr. Supt. Manuel Abrugena, hepe sa CPPO, miingon nga ilang gisusi ang posibli niyang kalambigitan.

Sa akong tan-aw kon napatay si Labitad atol sa maong engkwentro, sulbad ang kaso sa pagbanhig ni Reluya.  Sukad karon hangtud sa Martes sunod semana kinahanglan dunay ikapakita nga agi ang kapolisan sa ilang imbistigasyon  o ba kaha duna silay klarong kapasanginlan sa nahitabo.

Kini tungod kay kon sila mapakyas, matangtang sa pwesto si Abrugena ug ang hepe sa Talisay nga si Supt. Marlu Conag.

 

NAGKAUPOS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with