Wow load

Dili lalim o sayon ang trabaho sa mayor ilabi na sa mayor sa usa ka dakong siyudad tungod sa kadaghan sa iyang trabaho.

Tungod sa kadaghan sa iyang trabaho, daghan pud siya og transaksiyon nga pangsudlan ug apilan.

Tungod niini dili gyud malikayan ang kadaghan sa mga tawo nga iyang tawagan alang sa mga follow ups, sabot ug uban pa.

Tungod niini ang mayor nanginahanglan gayod og magamit sa komunikasyon sama sa cellular phone aron dali ug sayon ra siya nga kontakon ug aron dali ug sayon ra pud siya nga maka kontak kay madala-dala man ang cellular phone bisan asa moadto.

Pero ang mayor dili makatawag sa iyang gustong pangtawagan kun wala kini load gawas lang kun postpaid kini ang iyang cellular phone.

Apan mas bintaha sa mayor kun prepaid ang iyang cellular phone aron dili siya maalkanse sa bayranan ug serbisyo kay sa prepaid mogamit man lang ka kun anaa kay load, dili pariha sa postpaid nga bisan wala ka mogamit sa imong phone bayad gihapon ka.

Pero pila man gyud kaha ang gikinahanglan nga kantidad nga igahin para sa load sa cellular phone sa mayor sa usa ka dakong siyudad?

Naa moy ideya?

Si Kongresista Jonas Cortes sa dihang siya pa ang mayor sa Siyudad sa Mandaue P50 mil ang load allowance matag buwan sigun sa dokumento nga gipagawas sa opisina sa accounting sa siyudad sa Mandaue.

Wala pa ko masayod og tagpila pud ang load allowance sa mayor sa siyudad sa Sugbo, Lapu-lapu, Danao, Bogo, Talisay, Toledo, Naga ug Carcar.

og ingon pud ini ang kantidad sa ilang load allowance nga gidawat gikan sa ilang lokal nga kagamhanan.

Kun kamo ang pangutan-on, sakto ba ang P50 mil nga load allowance?