Driver siya sa pamilyang Parado ug gani ako siyang nakaila sa dugay na nga panahon. Sa higayon nga way kasakyan anaa siya nga masaligan bahala na og madugay kami basta anaa lang siya kanunay nag-atang ug andam nga motabang.

Sa dihang gipahigayon ang ilang renewal of vows sa kaminyoon sa magtiayong Parado nipanaw pud ang kasaligang driver nila ngadto sa laing kalibutan.

Sa akong pagsinati ni Tay Vito tawo siyang mapailubon ug diha sa iyang pagpailob daghan siya og natabangan.

Wala kaayo’y tingog nga moguwa sa iyang baba apan padayon siyang naghatag og sanglitanan alang sa tanan nga diha sa paghimo og maayo diay wala na kinahanglana ang pasidungog.