Edad sa batang kriminal
AMBOT LANG - Gerry Auxilio (Banat) - January 24, 2019 - 12:00am

Giuyonan sa mga sakop sa House Committee on Justice ang pagpaubos sa edad sa mga batan-on nga mahimong adunay tulubagon sa krimen nga ilang nahimo. Gikan sa 15 anyos gipaubos kini ngadto sa nueve anyos.

Kaniadtong Lunes ang Justice Committee mitugot sa substitute bill nga mag-usab sa Republic Act (RA) 10630, ang balaud nga mipabilin sa minimum nga edad nga 15 anyos sa mga bata nga walay tulubagon sa balaud apan nagtugot sa bata nga nag-edad og 12 anyos nga prisohon sa mga youth care facilities kun sila nakahimo niining maong mga krimin: rape, murder ug homicide.

Ang RA 10630 mao kini ang nag-amendar sa RA 9344 o Juvenile Justice and Welfare Act of 2006 nga nagbotang sa 15 anyos nga mga bata nga adunay tulubagon nga kriminal sa balaud. 

Ang bag-ong balaudnon nga giuyonan sa House Committee on Justice nagmando nga ang bata nga nag-edad og nueve anyos ngadto sa 14 anyos nga makahimo og kasong murder, parricide, infanticide, serious illegal detention, carnapping, ug kalapasan sa Comprehensive Dangerous Drugs Act of 2002 ipaubos sa mandatory confinement alang sa rehabilitasyon sa Bahay Pag-asa.

Ang labing unang rason sa balaudnon nga nauyonan mao ang pagpanalipod sa mga bata nga dili magamit sa sindikato sa paghimo og krimin, matud pa ni Oriental Mindoro 1st District Congressman Salvsdor Leachon.

Giklaro sa kongresista nga ang balaudnon wala magbotang sa mga bata sa prisohan kun dili sa usa ka reformative nga institution aron makorihi-an ang ilang sayop nga gihimo ug dad-on sila pagbalik sa komunidad. Dili sila tawgon nga kriminal kun dili children in conflict with the law.

Apan sa Senado adunay iyang kaugalingon nga version si Senador Vicente Sotto III nga nagpaubos sa edad sa bata nga adunay tulobagon nga kriminal sa salaud nga ilang nahimo. Sa laktod dugay pa ning maong balaudnon nga mahimong balaud.  

KRIMINAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with