Makasiguro ba sa kadaugan ang Presidential endorsements?

Nangutana niini si Helen Flores sa iyang sinuwat sa Philippines Star, ug gitubag kini ni Anna Maria Tabunda, research director sa Pulse Asia sa pag-ingon: President Duterte’s endorsement of administration senatorial candidates will not ensure their victory.”

Midugang si Tabunda pagpamahayag nga ang eleksyon sa atong nasud are “personality- based.” Sa ato sa atong pagbotar, dili kita mag-agad sa mga political endorsements ug sa mga partido nga nagsabak sa mga kandidato.

Tinuod, personality-based ang atong pagbotar, maoy hinungdan, dinhi pananglitan sa atong lalawigan ug dakbayan, dili partido ang atong botohan, ug dili usab kinsa nga mga kandidato ang gi-endorse sa Malacañang, kundili, ang atong pagpili ibasi sa mga isyu ug sa personalidad sa mga kandidato.

Nagpasabot nga ang mga endorsement gikan sa kadagkuan sa kagamhanan, ug ang pagpaluyo sa nasudnong partido, dili garantiya sa kadaugan sa maong mga endorsed candidates.

Hinoon, matud pa, ang relasyon ug connection sa gi-endorsar ug sa nag-endorsar, adunay daku nga epekto sa resulta sa eleksyon, pabor sa gi-endorse.          

Nagpasabot ba kini nga nakapabor sila si former PNP Chief Bato de la Rosa ug kanhi special assistant Bong Go niining endorsement gikan sa popular nga Presidente?

Posible. Magpadayon ba kini until election day? Lagmit. What about the PDP-Laban, makasiguro ba kini sa kadaugan sa mga kandidato? This remains to be seen. 

Angay hinumdoman nga gawas sa mga presidential endorsements, aduna say Mayor Sara endorsements. Awtomatik ba nga ang mga kandidato sa PDP-Laban aduna nay blessing gikan sa Presidente ug ni Mayor Sara?

Mipahinumdom si Tabunda sa panahon ni Cory, nga gumikan sa sitwasyon niadtong panahona, matud niya: “Corazon Aquino was the only president in history who was able to make 11 out of her 12 senatorial candidates win in an election.”

Mahitabo pa ba kini karon? Nga kun iisa ang imong bukton ni Cory, seguro na ang imong kadaugan?

Karon, mahinungdanon kaayo ang name recall ug ang qualification sa mga kandidato, ug performance sa mga re-electionists, ug not necessarily ang affiliation sa partido. 

Sa initial nga mga survey nga gihimo, daghan kaayong mga qualified unta nga mga kandidato ang nangiwit sa talaan sa mga dumadaug tungod kay wala sila mailhi.

Usahay makaingon kita nga ang eleksyon sa atong nasud usa ka popularity contest. Money contest pud,  hinungdan nga dunay mogulang mananaug  nga dili takus sa katungdanan nga ilang nadag-an.

Ang resulta sa eleksyon mag-agad sa pagka-responsable natong mga pumipili