May pagya nga nag-ingon, ‘Taxi driver is sweet lover.’
JAV, BANATI! - Javier Tapulado (Banat) - January 13, 2019 - 12:00am

Gimatuod kini sa usa ka ginang, kinsa miduol namong misis ug nangayo intawo’g diyotay’ng hinabang kay iyang bana, taxi driver, gamay na lang kuwartang iintrigo ngadto niya.  Kay diay, adunay kerida! Mao nga inig dulog nila, iyang namatikdan nga dili na kuno full tank ang ikatimbol, dili na gani makaabot og katunga, sanglit almost empty na man lang ang nahabilin.

Mao kini hinungdan, nganong adunay mga taxi driver nga matintal gyud sa pagpahimulos sa iyang pasahero panahon sa mga dagkong okasyon sama ning mga adlaw nga nagsingabot ang Sinulog 2019. Tungod sa ilang left and right chicks, maayo kaayong mangitag additional income in a wrong way.

Ako mismo, nakatayming na’g taxi driver nga guwatsinanggo.  Grabe ka manguwartahay. Tiaw bay, pagsakay nako, gikondisyonan dayon ko, nga dili na lang kuno siya mogamit og metro. Magsabot na lang mi pilay iyang ipabayad gikan sa amoa ngadto sa airport.

Naigking ko sa kantidad nga iyang giyamar. Hapit madoble ang gipatong niya sa naandang plitehan.

Gitan-aw nako akong relo. Kun manaog ko ug mangita’g laing taxi, dili na ko makaabot sa akong flight.  Busa, misugot na lang ko kunohay.

Pero dihang hapit na mi maabot sa airport, tawagan bitaw nako sa selpon ang suod kong amigo, kinsa usa ka dakong opisyal sa LTO dinhi sa Sugbo niadtong panahona sanglit gusto kong ipaseminar ang maong drayber, daaa...natarantar lagi ang tonto! Puwerting nakapangayo’g pasaylo, haskang pakiluoy ug mitanyag nga dili na lang ko paplitehon.

Apan kay miingon man ang Ginoo nga pasayloa gyud ang tawo nga nangayo’g pasaylo, aw...gidawat ko ang pasaylo sa maong badlongon. Ug gibayran ko siya sa unsay tukma nga                                                        plitehan.

Hinungdan, nga ning mga adlaw nga nagdagan ang misa-nobena alang sa kapistahan ni Sr. Santo Niño, aniay akong tambag sa sumasakay og taxi: Kon makabangal mog drayber kang kansang kinaiya susama niadtong akong nasakyan, kuhaa ang ngalan sa drayber, ilista ang ngalan ug body number sa taxi, plate number ug isumbong dayon sa LTO o LTFRB.

Ania ang numero sa LTFRB  Public Assistance and Complaint Desk: (032) 231-6221 or sa Direct Line (032) 231-7466.

 

 

SWEET LOVER
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with