EDITORYAL - Bukal na ang politika
Edwin Ian Melecio (Banat) - January 13, 2019 - 12:00am

Karong adlawa opisyal nang magsugod ang campaign period ug sugod kaganihang alas-12 sa tungang gabii ang Omnibus Election Code sa Commission on Elections epektibo nang ipatuman.

Una nga ipatuman ang Comelec gun ban diin ang mga nanag-iya og mga lisensyadong armas nga dili makakuha og Comelec gun ban exemptions, dili makabitbit niini gawas sa ilang mga panimalay.

Daghan ang nagbagulbol nga mga nanag-iya og mga armas nga lisensyado kay nganong sila nga responsableng naghupot niini maoy higpitan samtang kadtong mga kriminal wala.

Hunyo 12 pa kutob ang gun ban busa kadtong mga nanag-iya og armas dili mahimong magdala niini.

Gani hasta ang mga otoridad basta wala sila magsuot og uniporme o wala sa opisyal niyang trabaho dili mahimong makadala sa ilang mga armas.

Maayo unta og pangusgan sab sa mga otoridad ang pagbantay batok niining mga naghupot og mga armas kay sila maoy hulga sa seguridad.

Sa pikas bahin, sigurado nang magpusok-pusok ang mga kampanya sa mga kandidato alang sa mid-term elections. Sigurado hasta ang social media magdasok sa mga political propaganda.

Tanang klase sa propaganda ug mga gimik nga sa tan-aw sa kandidato makatabang sa iyang kampanya ila gyud buhaton.

Apan angay magmatngon ang mga botante niining mga posts sa social media. Dili lang unta sila kutob like, comment, ug share kondili tan-awon gyud ang unod aron dili sila mailad.

Ang social media usa ka gamhanang kahimanan sa komunikasyon ug pagpaabot og impormasyon ug mensahe ngadto sa mga netizens.

Apan naabusaran na kini sa makadaghang higayon ug daghan sa mga netizens ang nadani gumikan kay mao man kini ang uso.

Angay magmatngon ang publiko nga kining mga political ads o propaganda gituyo para makapabor ang usa ka politiko.

POLITIKA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with