EDITORYAL - WPS giabusaran
(Banat) - January 12, 2019 - 12:00am

Mga barko sa China maoy daghan nga naglawig sa Spratly Islands sa West Philippine Sea, sumala pa sa report. Kini gibase sa nakuhang mga satellite imagery sa Asia Maritime Transparency Initiative (AMTI).

Unsa pa man diay ang gipaabot, mga barko sa Pilipinas? Ang China ilegal nga miokupar sa mga teritoryo sa Pilipinas diha sa WPS, ang maong mga barko sumala pa sa maong Washington-based think tank, anha lang magtuyok-tuyok sa teritoryo nga giangkon sa Pilipinas.

Ang maong mga barko anha makita sa Subi ug Mischief Reefs nga iya sa Pilipinas ug hasta na sa palibot mismo sa Pagasa Islands sa Lungsod sa Kalayaan diha sa WPS.

Apan sa usa ka ekslusibong website sa mga Pilipino seafarers nga seamanonline.com, adunay mi-post didto nga Pinoy seaman sakay sa usa ka overseas cargo vessel nga nagpangutana kun hain na ang coast guard sa Pilipinas.

Tungod kay sa paglawig nila sa kadagatan sa 40 nautical miles gikan sa Palawan, namungingi ang dagat sa mga panagatan gikan sa China, Taiwan ug Vietnam.  Nagpasabot ba kini nga walay nagbantay?

Ang makaalarma niini, ang AMTI mireport nga walay laing gibuhat ang maong mga barko nga gituohang mga panagatan kondili ang walay hunong nga pagpangisda sa maong kadagatan.

Nagpasabot nga wala kini dunggo-dunggo sa ilang pantalan didto sa China o sa mga artipisyal nga mga isla nga ilang gitukod.

Buot pasabot niini nga kaning maong mga dagkong panagatan 24-oras silang nangisda ug dunay mga gagmay nga lantsa nga maoy maghakot-hakot sa ilang mga kuha pabalik sa mainland China aron ibaligya.

Nabalaka usab ang AMTI sa maong matang sa pangisda, dili makapahuway o makaginhawa ang dagat sa pagsige og panguha sa mga Chinese sa mga isda niini.

Ang China hangol sa resources, natural lamang kini gumikan sa kapin usa ka bilyon ka baba nga ilang pakan-on ug padayong nagkadaghan. Unsa nalay para sa sunod nga henerasyon sa Pilipinas?

WEST PHILIPPINE SEA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with