^

Kaihion sakay sa helicopter

RENBOR PATROL - Rene U. Borromeo (Banat) - January 10, 2019 - 12:00am

Gihinganlan sa mga netizens og abusado si Presidential Assistant for the Visayas Mike Dino kay adunay video footage nga nagpakita nga ang helicopter nga iyang gisakyan, mitugpa didto sa ULTRA Pasig samtang may nag-practice og sports activities aron lang siya mosulod sa pansayan.

Gi-share ni Mayor Tomas Osmeña ang maong post kay gihulagway niyang abuso kini kaayo, ilabi na nga naundang ang pag-ensayo sa mga tinun-an. Sa video footage, nagdali pagkanaog sa chopper si Dino ug nagdali paingon sa CR.

Si Jonji Gonzales, ang chief of staff ni Dino, miangkon nga mitugpa ang chopper sa ULTRA kay may gipik-ap kuno sila nga mosakay paingon sa Batangas, ug naatol lang nga miadto na lang sab si Dino sa pansayan. Paingon kuno sila sa Batangas aron mag-abli og laing Malasakit Center.

Tungod sa modernong kahimanan sa kumunikasyon, angay na gyud nga magmatngon kita sa atong mga lihok aron walay makasaway kanato, ilabina si Dino kay pangabaga siya sa presidente, angay nga kanunay siyang ehemplo sa katarong ug kaligdong ngadto sa publiko.

Lisud gyud tinuod kaayo kon abuton ka og sugo sa lawas unya nagsakay ka og helicopter nga walay kasilyas.

* * *

Kada Martes, ang mga gasoline stations mousab sa presyo sa baligya nila nga petroleum products, sagad gyud mopamahal. Gipahibalo sa Department of Energy nga mosaka ang presyo sa atong produktong petrolyo ning semanaha.

Mao nga sa wala pa mosaka ang presyo sa suki nako nga gasoline station sa Banawa kagahapon, gipuno nako ang tangke sa akong sakyanan aron makadaginot. Ang pagsaka naggumikan sa pagpatuman sa laing hugna sa TRAIN Law.

Ambot kanus-a kaha maminaw ang atong mga opisyal sa nindot kaayong sugyot ni Ilocos Norte Gov. Imee Marcos nga angay’ng undangon usa sa kagamhanan ang pagpatuman og TRAIN Law ingon man Value Added Tax (VAT) sa mga nag-unang palaliton, apil na ang petroleum products.

Kon tangtangon ang TRAIN Law ug ang 12 percent nga VAT sa mga petroleum products, makapabarato kini sa atong mga palaliton.

Unsaon, giapil nila ang mga petroleum products nga patungan og TRAIN Law ug VAT aron dako ang koleksyon sa kagamhanan.

Nindot kaayo ang sugyot ni Imee Marcos nga pagsuspenso sa VAT sa petroleum products apan wala lang kini paminawa sa mga dagkong opisyal sa atong kagamhanan, apil na si Presidente Duterte.

Gisugyot sab ni Imee nga aron mobarato ang fuel products dinhi sa nasud atong i-increase ang percentage sa ethanol blended gasoline gikan sa 10 ngadto na sa 20 percent.

Sa Brazil, sukad niadtong 2007, 25 percent na ang ilang pagsagol sa ethanol alcohol ug 75 percent na ang gasoline.

HELICOPTER
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with