“Gamitan” lang ang duwa
LABTIK - Alan Domingo (Banat) - January 7, 2019 - 12:00am

Liboan ka mga sakop sa Angkas ang mipakita sa ilang pwersa sa Dakbayan sa Sugbo human hingpit nang gidid-an ang ilang operasyon subay usab sa gipagawas nga desisyon sa Labawng Hukmanan.

Dili lang ang Angkas ang naapektohan apil usab ang mga habalhabal nga kaniadto ra nag operate ilabi na sa mga suok ug sodlonon nga mga dapit.

Napuno ang luag nga wanang sa Cebu City Sports Center sa kadaghan sa mga single motorcycle nga de pasaherohan.

Gipasiugdahan ang dakong panagtigom sa mga opisyal sa dakbayan isip pagpakita sa ilang suporta sa Angkas ug habal habal.

Gani murag nahimo kuno nga usa ka political rally o pagpangampanya na sa mga politiko ang panagtigom kay naa nay nanghatag og mga propaganda materials.

Dili ikalimod nga dunay personal nga interest ang uban luyo sa ilang pagpakabana kuno sa mga drayber.

Tataw kaayo kay kadto ra mang mga botante sa Dakbayan sa Sugbo ang gipanghatagan og ayuda, nagpasabot nga dunay gipaabot nga bugti sa umaabot eleksyon.

Apan sagad sa mga naestorya nako nga driver sa Angkas ug Habal habal, murag nabatian man usab nila nga gigamit lang sila.

Hinoon OK  lang kuno kanila nga gamiton kun makahatag og solusyon sa ilang problema kining migamit kanila.

“Gamitan” lang kuno ang duwa, kun makahatag ug kasigurohan ang mga politiko sa panginabuhi nila aw sigurado nga makakuha kini sa makabungog nilang suporta.

Apan kun kutob lang kuno sa usa ka sakong bugas murag kaduha duhaan pa nga mabingwit nila ang suporta.

Bitaw ang malungtaron nga solusyon sa problema sa Angkas ug habal habal community ang ilang gikinahanglan aron makapadayon sila sa ilang panginabuhian.

Advantage ang administrasyon niini kay naa silay duha ka mga kongresista nga maoy makahimo og balaod aron ma legalize na ang operation sa single motorcycle for hire.

Kun aduna namay nagung-ong nga balaudnon niini igo nalang sila mopadali niini aron hingpit nang mahimong balaod.

ANGKAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with