Mga gahi’g ulo
LABTIK - Alan Domingo (Banat) - December 28, 2018 - 12:00am

Bisan pa man sa pahimangno ngadto sa katawhan nga likayan o magmatngon sa paggamit sa mga pabuto aron dili makasugat og problema, naa gyud gihapoy mga gahi’g ulo.

Tungod lagi kay dili man maminaw, aw disgrasya gyud hinoon, sama nalang sa lima ka mga nabuthan og firecracker didto sa Dakbayan sa Lapu-Lapu.

Sama nalang sa usa ka 26 anyos nga lalaki kinsa nagrabehan gyud kay nadala man sa Vicente Sotto Memorial Medical Center.

Hubog diay kining lalakiha nga midagkot sa pabuto, inay ang pabuto ang iitsa ang lighter naman hinuon ang gilabay ug ang pabuto maoy gikuptan, aw pagkadakong buto sa iyang kamot.

Mao lagi nga dili gyud mahimong sagolon ang bino ug ang pabuto kay delikado, ulahi na ang tanan inig ka huwasan.

Samtang laing kaso sa nabuthan ang 11 anyos nga bata kinsa na-damage gyud ang iyang mata tungod sa pulbura.

Matud pa sa bata nga abi niya og dili mobuto maong iyang gipunit og didto na hinoon maigo sa iyang mata.

Ang ingon niini nga scenario dili na bag-o pa kay kada tuig mahitabo gyud kini tungod sa ka gahi og ulo.

Ang mga otoridad igo ra gyud sa pagpahinumdum, depende lang sa mga tawo kun maminaw ba.

Gani dili na kinahanglan ang pahimangno tungod kay kita mismo nasayod unsay maayo o dili.

Karong Bag-ong Tuig pila na sad kaha ang mabiktima sa pabuto?

Aw magdepende ra gyud kini sa tawo.

ULO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with