Bullying seryoso  nga problema
Bullying seryoso nga problema
LABTIK - Alan Domingo (Banat) - December 24, 2018 - 12:00am

Hilabihan ka init ang isyu karon sa bullying human nag viral sa social media ang video sa usa ka junior high school student nga nang bully sa sama niya nga tinun-an.

Nahitabo kini sulod sa comfort room sa pribadong tunghaan sa kaulohan diin ang usa ka gamay’ng tinun-an nga lalaki ang mipapili sa tinun-an nga dako og lawas niya.

Kulata o dignidad ang gipapilian, kong dignidad pahagkon niya sa iyang tiil ug sa iyang pribadong parte sa lawas ang kaubang estudyante.

Dugay na ang maong problema ug daghan na siya og nabiktima apan natribokar lang tungod kay nag viral sa social media. Dili lalim ang bation sa bata nga mabiktima sa bullying kay makaapekto kini sa iyang development.

Ang akong kinamaguwangang anak nabiktima usab kaniadto og bullying panahon sa iyang elementary days.

Wala siya mosaba apan nahibulong nalang mi kay dili naman ganahan moeskwela ug kanunay kining magkitkit sa iyang kuko. Gani dili niya mabantayan nga nagdugo na ang iyang mga tudlo tungod kay posibleng sa iyang kalagot didto niya napahimungot sa iyang mga tudlo.

Hangtod nga nakita nako ang sa iyang notebook ang iyang sulat sa iyang experience sa pag bully kaniya.

Diha-diha dayon giadto nako ang tunghaan ug gi schedule ang meeting sa ginikanan sa nag bully sa akong anak.

Naaksyonan ug nasulbad ang maong panghitabo, apan sa sunod tuig dihang gibalhin nako og laing tunghaan, ang iyang maestra na usab ang hilig maghingalan og dili mao sa iyang mga tinun-an.

Dihang nataymingan ang akong anak nga gi name calling niya, nisumbong dayon kini nako.

Siyempre aksyon dayon isip amahan, gipadad-an ug tulo ka pahina nga sulat ang magtutudlo pahinumdom niya sa katungod ug pagpanalipod sa mga bata.

Ang bullying dakong problema pero kun aksyonan dayon masumpo gyud kini.

Dili na dugay-dugayon kay daghan pa ang mabiktima, labaw sa tanan dili na mag-antos ang bata sa trauma nga nahiaguman. Ipaagi lang gyud sa diplomasya ang pagsulbad sa problema.

BULLYING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with