Krisis sa Pabuto sa Pasko?
LABTIK - Alan Domingo (Banat) - December 17, 2018 - 12:00am

Presyo sa tanan palaliton misaka apil na presyo sa mga firecrackers o pabuto nga usa sa mga bida sa mahilig niini panahon sa pasko ug bag-ong tuig.

Sumala sa negosyante og pabuto nga akong nahinabi nga nihit kaayo ang supply sa firecrackers karon tungod kay wala kaayoy namuhat niini.

Kini ilabi na sa Barangay Babag ang giila nga firecracker capital sa Sugbo.

Tinuod gyud kay dihang akong giadto ang Sitio Rambo diin sentro sa himoanan og pabuto, naabtan nako ang presidente sa asosasyon sa mga manghimoay og pabuto, naginusara lang kini sa paggama.

Niadtong niaging tuig aduna siyay mga tawo nga gisulohan sa paghimo, apan karong tuiga siya ug ang iyang pamilya nalang.

Gikompirmar ni Florido Baraquel nga ginagmay nalang ang ilang gihimo tungod usab sa ka mahal sa presyo sa mga sagol sa himoong pabuto.

Gani apil sa nimahal ang presyo sa mga daan nga newpaper nga maoy ilang iputos sa mga firecrackers.

Kuti usab ang proseso sa pagpalit sa mga chemicals ug pulbora tungod kay gi regulate naman kini.  Ang resulta, niumento usab og 60 ngadto sa 100 % ang presyo ug mao sad kini ang sitwasyon sa display area.

Nabantayan usab nila nga gamay nalang ang order karong tuiga, seguro ang uban mas gipalabi ang paggamit sa ilang kwarta sa mas gikinahanglan kay sa mga firecrackers.

Siguro ang uban moingon nga mas maayo nga dili mogamit og mga pabuto aron malikay sa peligro nga mao usab gyuy angayan nga mahitabo.

Apan sabton sad nato nga adunay mga nanginabuhi sa ingon niini nga industriya nga mao usay gibuhi sa ilang pamilya.

Magmatngon lang gyud alang niadtong gusto og butobuto sa ilang Pasko bahala na og mahal basta bibo kuno.

Apan sa mga nagdaginot sa budget, dukdok nalang sa takob sa kaldero aron dunay murag kombo ini’g sugat sa Pasko ug Bag-ong Tuig.

 

PASKO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with