Kasikas sa Misa de Gallo
LABTIK - Alan Domingo (Banat) - December 14, 2018 - 12:00am

Pasko na gyud diin magsugod na ang Misa de Gallo karong Domingo, Disyembre 16.

Modagsa na usab ang katawhan sa mga simbahan aron motambong sa misa isip pagtuman usab sa ilang mga tinuig nga wish.

Bitaw ambot tinuod ba nga kun makompleto ang nine mornings matuman gyud ang imong gipangaliya?

Seguro secondary nalang na, apan angayan hinumduman sa tanan nga ang pagtambong sa Misa de Gallo gikan sa kasing kasing ug ang gipahinungdan mao ang Manunubos nga si Hesus.

Bati pud kaayo paminawon nga mosayo ka og mata aron makakompleto sa misa de gallo kay gusto nimo makuha ang imong gipangayo.

Kini ang gitawag nga hinangol o selfish ra kaayo kansang kaugalingon lang ang gitan-aw.

Samtang ang uban ini’g naa na sa simbahan, magsige nalang pud og pamantay sa mga gisul-ob sa mga manimbahay.

Naa say magsige og selfie samtang nagmisa ug upload dayon sa facebook ang filtered photo nga pwera gaba katoohan dili nga mao ba diay to ang tinuod nga nawong.

Hugot nga seguridad ang ipatuman sa kapolisan sa mga simbahan kay anaa man usay mga tawo nga mosakay sa panahon kon makalugar mamiktima dayon.

Pahimangno lang pud nga kinahanglan seguradohon nga dili masudlan og kawatan ang mga pinuy-anan kun maghurot man og adto sa simbahan.

Basin ini’g biya sa balay, ang mga kawatan usab ang mobanos kinsa mohimulbol sa mga butang.

Matngon lang gyud kanunay niining panahon sa Pasko.

MISA DE GALLO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with