EDITORYAL – PedestriaNization
(Banat) - December 7, 2018 - 12:00am

Gitun-an karon sa National Economic Development Authority (NEDA)-7 ang pagdili na sa mga sakyanan diha sa mga dapit duol sa mga heritage sites o mga dapit nga gitipigan kay dako og papel kining mga lugara sa kasaysayan sa Sugbu.

Ang maong pagtuon motan-aw kun mahimo ba kining buhaton ilabi na nga kining ubang mga dapit diin mahimutang kining mga heritage sites may mga namatigayon ug basin maapektahan sila ug ang kinatibuk-ang ekonomiya sa Sugbo.

Sama nalang sa dalan Colon, dako kaayo kining kabahin sa kasaysayan dili lang sa Sugbo kondili sa tibuok Pilipinas gyud. Kini ang labing unang kalye o karsada nga natukod sa pag-abot sa mga Katsila dinhi sa nasud.

Gawas pa niana, maayo usab kini kay makamenus sa traffic sa maong lugar. Kanang dalan Colon pa lang, kun wa nay padaganon nga mga sakyanan molambo gyud ang pamatigayon diha sa kilid-kilid gikan sa may Pari-an padung sa Panganiban Bridge.

Apan dako kining pas-anon nga problema sa logistics sa mga dagkong tindahan kay unsaon naman lang paghatud ilang mga produkto?

Apil sa angay nga tan-awon kaning kalimpyo sa kadalanan, mga imburnal, street lightings, police visibility, ug pagpanindot sa lugar aron ganahan sab ang mga tawo nga maglakaw-lakaw padung sa ilang destinasyon.

Daghang rason ang mga tawo nganong mosakay o mogamit og sakyanan ug mao kining mga rasona ang angay apilon sa himuong pagtuon sa NEDA kay dinhi dapita usab makita ang epekto ug benepisyo.

Apan ang pangutana kun matinuod ba gyud kaha kini? Dili ba duna man sab plano nga magbutang og bike lanes sa kadalanan sa Metro Cebu? Apan hain naman kini karon?

Daghang mga ideya nga namugna apan wala gyuy resulta. Wa mapatuman tungod kay ang mga lokal nga mga opisyales dili man magkasinabot.

 

NEDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with