Simpleng kinamaayohan nga diyeta (2)

Unsa  man gayuy konsepto nianing ‘DASH diet”?  Ang mga naglangkob nga ingrediyentes (calcium, proteins, veggie fiber)  maoy responsable nga mopagana sa trabaho sa  sistima sa utok (brain system) ug  sa sulod sa atong ginhawaan (internal organ).

Maingon man sa pagpahimsog sa buhok og panit, mabalanse pinaagi sa istrikto nga pagsagop sa ‘DASH diet.

Komportable kaayo kini nga ‘matang sa diyeta, kay dili ka na magkinahanglan nga mahasol pa sa pagkalkulo ug pag-monitor.

Kay mao lay buhaton mo ang pagkonsumo sa girekomendar nga kaonon sama sa prutas utanon, bugas (wholegrain), pagkaong dasok sa protina, organic dairy products, ug menusan ang  asin  o pagkamahiligon sa parat.

Ang naglabing hiyas o aspeto ini, kon ikompara sa uban, nakabentaha kini kay nadebelop man gikan sa mga tawo nga mabinantayon kaayo sa pag-amping sa ilang diyeta sa tibuok kinabuhi.

Mao nga ayaw na gyud pagpagutom, kay makaabot kana man nga makahimo  sa mga paborito mong lamian nga kapilian sa ‘DASH diet. Bantayan lang nga pirme masulod sa atong hunahuna ang mga rekisitos sa mga panginahanglan.  Iseguro sab ang istrikto nga pagsunod sa ‘basic rules’.

Unsa man ang mga ‘basic rules’ sa DASH diet – dili lang kini ang mahitungod sa gidaghanon kondili hasta ang kalidad sa pagkonsumo, sama sa mga mosunod;

* Moinom sa tibuok adlaw og duha ka litro (67 fl.oz) nga likido.

* Mokaon lima ka beses kada adlaw, nga sa matag usa ka dalit dili molabaw sa 215gm (8.80 oz).

* Tibuok adlaw nga kaloriya nga konsomuhon, kutob lang sa 2,000 – 2500 cal.