Gusto nang moretiro sa trabaho
Dear Atty. Divine,
Nagtrabaho ko sa usa ka kompaniya sud na sa 15 ka tuig. Sunod tuig mo 60 anyos nako busa plano unta nako nga moretiro na aron makapahuway. Ang among kompaniya way retirement package, ang akong pangutana, pila may dapat madawat nako nga retirement pay kon moretiro ko next year? Daghang salamat.
Paulo
* * *
Dear Paulo,
Basi sa Art. 302 sa atong Labor Code kini nagkanayon nga kon ang usa ka empleyado moabot na og 60 ngadto sa 65 anyos mamahimo na siyang moretiro sa trabaho ug kon ang iyang employer way retirement plan, ang empleyado makadawat og dili mominus 1/2 month per year of service. Sa ato pa, kon pananglit ang imong sweldo 10 mil pesos matag buwan, hayan makadawat ka og 5 mil pesos per year of service. Mamahimo sab ikaw nga mo file og retirement sa SSS kon mo qualify na ang imong total contribution then makadawat sab ikaw og monthly pension gikan sa SSS. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest