Drayber patay, duha angol

CEBU, Philippines — Drayber sa habal-habal ang patay samtang naangol ang duha magkapuyo nga pasahero niini sa dihang naigo sila sa gutter sa Barangay Linao-Lipata, Lungsod sa Minglanilla niadtong Domingo sa alas 3 sa hapon.

Ang namatay nailhan lang sa pangan nga “Mario” samtang ang nangaangol mao sila si Rosemarie Aliganga, 38, ug si Joel Sendrejas, 46, pulos nagpuyo sa Barangay Ward 4 sa maong lungsod.

Sa inisyal nga imbestigasyon ni SPO2 Rangie Lopez nagpahatud ang mga pasahero sa habagatan. Sa pag-abot nila sa nahisgutang lugar nabangga sila sa gutter ug nangalagpot silang tulo.

Apan nagrabehan ang drayber human kini nalagpotug nabnal sa poste samtang nangaangol ang mga pasahero niini.

Gidala ang tulo sa Minglanilla District Hospital apan gideklarar ni Dr. Jataporn Vatanagol nga namatay gyud ang drayber.

Si PO3 Junyl Ater nagkanayon nga hubog ang drayber nga si Mario samtang namasahero ug posibleng nakatulog kini. (BANAT NEWS)