Unsay pagsabot nimo sa kaanyag?

Kini ang akong gipangutana sa usa ka babaye nga nahimong busy kaayo sa pagtan-aw sa samin ug daw sa nabalaka kaayo siya sa iyang bugas-bugas.

Dili man kuno ‘in’ sa panahon nga daghan ang pimples.

Bugtong pahiyom ang akong nabuhian mao nga ako siyang giingnan nga kitang tanan matiguwang.

Ang mahinungdanon mao nga atimanon man nato ang atong lawas o nawong apan dili kita malansang niini kay mag-unsa man tuod ang imong kaanyag o kaambongan kun puno sa kahugawan ang imong pagbati.

Apan niiingon siya nga mas maayo gyud unta nga hapsay ang dagway aron daghan ang malipay ug mipahiyom siya uban ang dakong kantalita sa iyang mga mata kay ang samin di man gyud mamakak.