Credit card nga wa kabayri

Dear Atty. Divine,

Duna koy nadawat nga Notice Before Legal Action from the bank  tungod sa credit card nga wa nako mabayri. Ang akong outstanding balance miabot og kapin sa 80 mil pesos apan duna silay gihatag nga discounted amount to settle nga kapin sa 14 mil pesos lang basi sa ilang notice. Unsay angayan nako nga buhaton? Daghang salamat. — Jess

Dear Jess,

Kasagaran sa mga demand letter or notice mohatag na sila og instruction kon unsaon nimo pag avail sa ilang discounted offer. Mas maayo nga imong bayran ang ilang discounted offer ug mokontak ka sa bank aron sa pag arrange sa imong pagbayad aron ma clear ang imong  record sa maong bangko. Wa gyud kay laing option except to pay kay utang man na nimo  ug gawas pa kon di ni nimo bayran padayong mosaka ang interest niini matag buwan og magkadako ang imong utang matag tuig og posible sab nga mo file ang bangko og civil case batok kanimo. Thanks and God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.