Si Police Senior Inspector Jaime Conaco nga maoy hepe sa Presinto sa Mandaue City Police Office (MCPO) miila sa namatay nga mao si Aldrin Cartociano.
File
Usa patay, P7M shabu nasakmit
Camille Pateres (Banat) - November 16, 2018 - 12:00am

CEBU, Philippines – Patay ang usa ka gikatahapang pusher shabu dihang misulay pag-ibot  sa iyang armas sa gipahigayon nga buy bust operation sa Purok  Tambis, Barangay Umapad, Dakbayan sa Mandaue Miyerkules sa gabii apan  naunhan sa mga polis.

Si Police Senior  Inspector  Jaime Conaco nga maoy hepe  sa Presinto  sa Mandaue City  Police Office (MCPO)  miila sa namatay nga mao si Aldrin Cartociano.

Apan samtang gihimo ang transaksyon nakamatikod kini nga polis ang iyang kustomer ug daling miibot sa giluklok niyang  armas apan naunhan pagpusil sa backup nga polis hinungdan sa iyang kamatayon.

Nakuha asa crime scene ang armas  nga kalibre . 45  ug ingon man upat ka paketeng gidudahang shabu ug mga drug paraphernalia.

Sa laing mga operasyon, dul-an P7 milyones nga balor sa shabu ang nasakmit sa upat ka managlahing buy bust operations sa kapolisan sa Dakbayan sa Sugbo.

Nadakpan sa Sitio Tiera Cura, Barangay Tejero, Miyerkules sa gabii silang Ruel Paalam ,52, ug Matteo Ochea ,30, nga nakuhaan og 380 ka gramong gidudahang shabu nga mobalor na og P4,484,000.

Ang hepe sa Waterfront Police station nga si Police Senior Inspector Joemar Pomarejos nagkanayon nga may mi-text kanila pinaagi sa “Itug-an ni CD” bahin sa operasyon sa duha.

Mihimo dayon sila og duha ka semanang surveillance ug napositibo ang impormasyon hinungdan sa gilusad nga operasyon.

Didto sa Labangon, nadakpan usab sa Sitio Mahayahay si Mark Vernon Velasco,28, samtang sa Sitio Cogon nadakpan usab ang usa ka Mario Tabasa Lascuña alyas Paig , 61.

Nasakmit sa kapolisan gikan niini ang 5.25 ka gramo sa gidudahang shabu samtang pinakete usab nga gidudahang shabu kang Velasco.

Sigun pa sa hepe sa Punta Princessa Police Station nga si Police Chief Inspector Keith Andaya anaa ang duha sa drug watch list sa City Intelligence Branch.  “Mga street level ra man ni sila. Dili sila moangkon nga connected sila,” miingon si Andaya sa Banat News.

Kagahapon sa alas 2:45 sa kaadlawon nadakpan sa Sitio Mahayahay 2, Barangay Pasil ang usa ka Nicolas Maranga Jr. ,42, ug nakuhaan og 80 ka gramo nga gituohang shabu diin mokabat ngadto sa P944 mil.

Ang hepe sa Pardo Police Station nga si Police Chief Inspector Regino Maramag mibutyag nga si Maranga naapil sa ilang listahan sa mga durugista ug mibalhin kini didto sa Pasil ug mipuli kang Fiel Somobay Secretaria, 19.

Si Secretaria nadakpan sa Barangay Ermita niadtong Oktubre 11 ning tuiga. Si Secretaria pagumangkon sa napatay nga druglord nga si Rowen Secretaria alyas Yawa didto sa Bohol niadtong 2016.

Sa gihimong follow-up operation nadakpan sa buy bust operation ang usa ka John Martin Inso didto sa Sitio Kauswagan, Barangay Basak Pardo kagahapon sa alas otso sa buntag ug nakuhaan kini og usa ka dako, tulo ka medium ug usa ka small pack nga gituohang shabu diin mokabat og P885 mil.

Si Maramag nagkanayon nga si Inso maoy back- up supplier ni Maranga kun kini mahutdan og drugas.  Ang duha giingong mitug-an nga gikan ilang pakigtransaksyon sa Mandaue City Jail ang ilang drugas.

Samtang gitanggong  sa kapolisan ang usa ka Emilio Severos Dela Cruz Jr., 44,  human nadakpan sa laing buy bust operation sa kapolisan sa Sitio Matumbo,  Barangay  Pusok, Dakbayan  sa Lapu-Lapu .

Si  Police   Chief Inspector  Jaime  Tolentino sa City  Intelligence  Branch (CIB)  sa Lapu-Lapu City  Police Office (LLCPO) mitug-an nga nasikop ang suspek human sa follow-up operation sa pagkasikop nila kang Shaina Rebamonte Ungon, 19 , sa laing buybust operation. (Romeo T. Limpangog/IBM)(BANAT NEWS)

DRUGS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with