Bisan ikaw lumalabay lang

Kini ang iyang gilitok ngadto sa iyang hinigugma. Ang hinigugma nitubag nga tinuod kini apan bisan pa man kun lumalabay lang siya paninguhaon nga magbilin siya og walay katapusang handumanan sa ilang panagkuyog. Ug kini ang kasinatian sa gugma nga ilang gisaw-an. Apan dili lang kini mahitungod sa gugma. Mahitungod kini sa kinabuhi nga gihimong mabulokon pinaagi sa paghimo og maayo. Ang paghimo og maayo ingon nga pagpadayag sa atong kagawasan nagpasabot man nga diha sa atong kinabuhi mamahimong kita makabilin og handumanan niadtong  mga tawo nga kanato modawat ug kanato mobalibad.Kay ang pagbuhat og maayo maoy bugtong paagi sa pagbansay sa kagawasan.