Ikaduha diay siyang gipakaslan
Dear Atty. Divine,
Duna koy pangutana labot sa akong kaminyuon. Naminyo ko ten years ago ug duna mi usa ka anak.
Sa dihang gipa-submit ko og Cenomar para sa akong application abroad, it turned out nga dunay previous marriage ang akong bana.
Sa dihang ako siyang gi-confront niini, iya kining giangkon ug matud niya arranged marriage daw ang iyang unang kaminyuon kay ang iyang ginikanan ug ginikanan sa iyang unang asawa maoy nagsabot-sabot hinungdan nga 2 years ra silang nagtipon ug nagbuwag sila dayon sa iyang first wife kay di sila magkasinabot ug wa silay anak.
Gusto niya nga ipa annul ang iyang previous marriage. Unsay pwede niyang magamit nga ground kon iya ning ipa annul? Daghang salamat.
Loida
* * *
Dear Loida,
Tungod kay nag exist pa ang iyang previous marriage sa dihang kamo nagpakasal, ang second marriage maoy makonsiderar nga void.
Buot ipasabot nga dili kini magamit sa imong bana nga ground ang bigamous marriage kon ang first marriage ang iyang ipa annul.
Apan usa sa pwede niyang magamit nga ground sa pagpa annul sa iyang first marriage mao ang psychological incapacity basi sa Article 36 sa Family Code.
Pwedeng mao kini ang gamiton sa imong bana nga ground but need siyang mokonsulta sa iyang lawwyer ug sa psychologist aron ilang masuta kon duna bay basis ang pag-file niya og annulment on the ground sa psychological incapacity. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
