Rice cartel angay na pusgayon
SAKSAK SINAGOL - Lucky Malicay (Banat) - November 14, 2018 - 12:00am

Aniay maayo nga balita alang sa mga sumasakay og pangpublikong sakyanan ug sa mga motorista Dakbayan sa Sugbo.

Ablihan na dili madugay ang matag agianan kilid diha sa kamulong gitukod nga underpass sa Mambaling area.

Matud pa sa usa ka opisyal sa Department of Public Works and Highways, sugod karong Nobiyembre 24, makaagi na ang mga sakyanan sa isig ka habig kilid sa underpass. Sa ato pa, ang tagsa ka lane nga southbound ug northbound abli na sa dagan sa trapiko.

Subra sa usa ka tuig nga nag-antos ang katawhan ning siyudad gumikan sa dakong problema sa traffic diha sa maong dapit nunot usab sa konstruksiyon sa maong underpass.

Kini tungod usab sa pagsira sa usa ka habig sa Natalio Bacalso Avenue nga nagdulot usab og kahuot sa dagan sa trapiko.

Kay ablihan na man ang duha ka side sa underpass, makapaabot kita nga mogaan na usab ang dagan sa trapiko diha sa Cebu South Coastal Road. Kay ang uban moagi na sa Natalio Bacalso Avenue, ilabina ang mga passenger bus, gawas lamang sa MyBus.

Hinuon sa Mayo pa sunod tuig mahimong operational ang underpass. Dako pa nga trabaho ang concreting sulod niini. Apan sige na lang. Kay kon ablihan na unya kini, dili ikalimod nga mogaan na gayud ang dagan sa trapiko dihang dapita.

* * *

Taliwala sa pagpasaka sa kaso sa Department of Justice batok sa giingong nagpaluyo sa dako nga rice smuggling sa nasud, maayo siguro nga idiga na sa kagamhanan kun kinsa kining mga negosyante nga nag-import og bugas.

Kini aron usab nga mahibaw-an kon si kinsa gayud kining mga nag-smuggled og bugas sa Pilipinas.

Gani matud ni Ilocos Norte Governor Imee Marcos nga ang pagpagawas sa lista sa mga rice importer usa ka pamaagi sa transparency aron usab mabungkag na kining rice cartel sa nasud.

“The government rosters of rice importers and traders must be purged of smugglers, economic saboteurs, hoarders, and tax evaders,” matud pa ni Marcos.

Siya midugang nga ang mga sakop sa rice cartel nakahimo pag-operate tungod lagi kay natago man sa publiko ang ilang mga ngalan.

“Their control of that system is not addressed by any of the bills on rice tariffication.

Revoking their licenses and permits to import rice will deal a serious blow to the rice cartels,” matud pa ni Marcos kinsa kandidato pagkasenador sa sunod piniliay.

Bitaw. Angay lamang nga mohimo na og aksiyon ang gobiyerno batok niadtong mga nagpaluyo sa rice cartel sa nasud.

Ug kinahanglan nga tinud-on gayud sa otoridad ang paggukod kanila ilalum niining administrasyon ni Presidente Rodrigo Duterte.

PUSGAYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with