^

Minilyon para basura

AMBOT LANG - Gerry Auxilio (Banat) - November 13, 2018 - 12:00am

Naglaraw ang Department of Public Services (DPS) sa Dakbayan sa Sugbo sa pagpalit og 21 ka mga compactors truck aron mapaubsan ang gasto sa dakbayan sa paghipos sa basura nga mikantidad og tunga sa bilyon niining tuiga.

Ang 21 ka mga compactors truck nga giplanohan nga paliton sa DPS nagkantidad kini og 231 milyones ka pesos ug wala pa kini labot sa gastohanan alang sa krudo o gasolina ingon man spareparts.

Ingon ani ka dako ang gigasto sa Dakbayan sa Sugbo sa paghipos sa tone-toneladang basura nga gilabay sa mga tawo.

Kun unsa ka daghan ang basura nga gihipos imo kining makita sa duha ka adlaw nga pag obserbar sa adlaw sa mga santos ug mga patay diin miabot sa 45 ka tonelada nga basura ang nahipos sa DPS gikan sa siyam ka mga sam-ang sa dakbayan.

Tungod sa kadaghan sa basura usahay dili na kini maato sa paghipos sa mga taga DPS ug mga tig kolekta og basura sa kada barangay. Tungod kay wala na maato sa paghipos ang basura gumikan sa kadaghan niini, uwanon ug bahaan dayon sa mga reklamo ug insulto ang mga opisyal sa barangay ug dakbayan.

Ang mga nagreklamo dili gusto nga makakita ug makabaho sa gilangaw ug nanimaho nga basura. Nakalimot sila nga ang gilangaw ug nanimahong basura gikan nila.

Tungod sa kadaghan sa basura ang Inayawan Sanitary landfill dili na malabayan og basura kay puno na.

Ang basura mugna sa tawo ug ang nagkadaghang basura mugna sa nagkadaghang tawo mao nga kun maghisgot ta og suliran sa basura tawo ra ang sulbad niini.

Ang gidaghanon sa basura mapaminusan ug ang gasto sa paghipos niini mapaubsan. Kana kun ang katawhan adunay displina sa iyang kaugalingon ug tudloan sa gobiyerno ug makapadasig nga paagi sa pag recycle sa mga basura diin makasapi pod sila.

DEPARTMENT OF PUBLIC SERVICES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with