Kanus-a ang lingawlingaw mahimong sugal?
JAV, BANATI! - Javier Yntig Tapulado (Banat) - November 9, 2018 - 12:00am

Niadtong panahon ni Pres. Ferdinand Marccos, diin mga Macau pay midumala sa mga balay-sugalan sa nasod, mag-agi gyud sa lungag sa dagom ang moaplay pagtrabaho ayha pa makasulod.

IQ, Math ug Essay Writing ra baya ang eksam. Pero daghang nahapla.

Ubay-ubay’ng math professors ug ubang degree holders ang misulay. Nanghambog nga sayon ra kuno pasaron.

Kay multiplication, division, addition ug subtraction ra gud ang pasulit. Unya pag-ando, sa elimination round pa lang, natagak na.

Unsaon, purely mental calculation man ang ipagamit.

Walay calculators, walay scratch papers. Lunlon hubo gyud ang mga palad, diin ballpen ug test questionaires ra sa kompaniya ang puwedeng gunitan sa examinees.

Dili ka makalingilingi sa imong kilid kay kon masakpan, i-disqualify dayon.

Gani, dinhay batch nga 480 kapin ang mikuha’g pasulit. Pero napulo ray nakapasar. Nahagbong pa gyud sa physical exam ang usa ug natagak sab ang laing usa sa gipahigayon Backgound Investigation. Ug walo na lay nahabilin sa training room.

Apan dihang gidestino na sila sa talad-sugalan, usa nila, kinsa usa ka Mormon, wala dangtig lima ka bulan, miresayin.

Kay alang niya, kontra kuno sa ilang relihiyon.

Pangutana. Sugal ba diay ang pagdula’g baraha? Sugal ba diay ang paglingawlingaw gamit ang baraha? Kanus-a ba nga ang lingawlingaw mahimong sugal?

Sama sa motan-aw’g nindot nga salida, mopalit gyud ka’g admission ticket.

Ang tiket may presyo, diin imo gyud kining gigahinan og igong kantidad in exchange to the enjoyment, amusement and excitement that you will experience in return.

Nga sa ato pa, good as spent na gyud tong kuwartaha. Kay giandam para lamang sa lingawlingaw.

Pareho sa dulang baraha. Kon ang kantidad sa kuwarta nga imong gigahin para lingawlingaw (magamay man o madako) unya mahurot, aw...happy gihapon ka kay good as spent gud ni daan.

Labi nag modaog. You’re more glad. Kay panglingawlingaw ra gud ‘tong sapia nga imong giandam. Pero kun pun-an pa nimo’g laing kantidad ang nahurot na nimong giandam, aw...dili na kana lingawlingaw.

Sugal na kana. Labi nag ang kuwartang imong gigamit, dili na imoha?

So, know where your financial limit is up to for enjoyment purposes and never add more beyond. Buwahan, malikayan ang pagpakasala.

SUGAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with