Ngano maayo magtakilid sa wala kon matulog (2)
HIMSOG NGA KARAYURAN - Pons Abatayo (Banat) - November 7, 2018 - 12:00am

* Pagsanta sa atay nga dili maipit (congestion ) – Ang atay maugtas sa pagkaipit  kon sa tuo nakatakilid nga matulog, kay dili kini makatarong sa iyang trabaho sa pagprodyus og mga nutrens nga gikinahanglan sa mga parte sa lawas.

Ug aron sab ang mga sustansya ug toksins makontrol (neutralize), sa dili pa kini ilabay o ipasa gikan sa atay ngadto sa tinai. Busa, magtakilid sa wala kon matulog.

* Mapalig-on ang trabaho sa apdohan (spleen) – Nga kabahin kini sa ‘lymphatic system’, kon sa wala magtakilid matulog, dili madisturbo ang produksyon sa apdo (digestive acid), nga maoy gamiton sa paghilis o pagtunaw sa kinaon. Sa ingon ang apdohan makapundo kanunay og daghang apdo.

Tungod sa maong posisyon, mopabor ang bagsak sa gibug-aton (gravity), nga makaayo sa dagan (flow) sa dugo ngadto sa ‘spleen’, aron salaon (filter) ang tanang toksins. 

* Walay kabuhi (acid influx o hearthburn) motukar sa gabii – Kon sa wala magtakilid nga matulog, malikayan ang kabuhi nga modisturbo sa paghinanok. Kay ang estomago (stomach) napaubos sa ‘cardiac spincter’, nga nagkonek sa tutunlan (esophagus) ug sa estomago. Nga sa ingon dili makabalik pagsaka sa totunlan nga maoy nakaingon kita kabuhion.

* Makaayo kini sa mabdos – Labing maayo kining posisyon nga sa wala magtakilid matulog ang usa ka mabdos, labi na og hapit na manganak. 

Kini aron maghatag sa kasayon sa dagan (flow) sa dugo ug ang atay maprotehian sa mahimong dugang kabug-at, aron sayon nga hamugaway kining makalihoklihok.

* Makaayo sa Kasingkasing – Nga ang kasingkasing hayahay makabomba sa dugo paingon sa tanang bahin sa lawas, bisan pa sa higayon nga makatulog na.   Aron sab dili magutnga-utnga o maglisud sa pagginhawa samtang kita nahinanok.

MATULOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with