Naa bay madawat nga separation pay ang gitaktak nga empleyado?
Dear Atty. Divine:
Ang akong manghud nataktak sa trabaho kay nasakpan daw kining natulog during working hours. Makaupat na man gud ni siya nasakpi nga natulog attorney during working hours hinungdan nga gi terminate na gyud siya sa employer kay habitual na daw ang iyang nahimong kalapasan. Five years na unta nga nagtrabaho ang akong manghod sa maong kompaniya, ang akong pangutana kon makadawat ba siya og separation pay?
Daghang salamat.
Simon
* * *
Dear Simon,
Basi sa atong Labor Code ang usa ka empleyado nga mataktak sa trabaho mamahimong makadawat og separation pay kon dili niya binuhatan ang pagkataktak kaniya , like gitaktak siya tungod sa redundancy, pagka-alkanse sa kompaniya, nag cost cutting ang company ug uban pa.
Apan kon ang hinungdan sa pagkataktak naggumikan sa iyang nahimong kalapasan sa mga lagda sa kompaniya sama sa kaso sa imong manghud hayan wa gyud siyay madawat nga separation pay gikan sa iyang kompaniya.
Busa dili maka-demand og separation pay ang empleyado nga nataktak sa trabaho gumikan sa iyang nahimong mga kalapasan. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest