Maka claim ba og share sa property ang legal wife bisan way na-contribute?
LEGAL CORNER - Atty. Divine Flores (Banat) - October 27, 2018 - 12:00am

Dear Atty. Divine:

Ang akong igsuon usa ka OFW apan nagbuwag sa iyang asawa  sud na sa lima ka tuig ug duna silay duha ka anak. Ang custody sa mga bata anaa sa akong igsuon apan tungod kay atua man magtrabaho sa abroad ang akong igsuon so ang mga bata naa kini magpuyo sa among mga ginikanan ug kami ang nag-atiman niini. Ang akong igsuon aduna karoy girlfriend nga usa ka  maestra. Samtang ang iyang asawa naa na say laing kapuyo apan wa pa sila ma annul sa ilang marriage.  Karong bag-o ang akong igsuon nananghid sa among mga ginikanan nga gusto na siyang makigpuyo sa iyang girlfriend ug gani nagplano silang mopalit og house and lot. Ang akong pangutana kon makapalit og property ang akong igsuon ug ang iyang girlfriend, makapanghilabot pa ba niini ang iyang kanhi asawa nga wa man siyay natampo kay nagbuwag na man sila sa akong igsuon? Daghang salamat. — Rebecca

* * *

Dear Rebecca:

Basi sa  Article 147 sa atong Family Code kini nagkanayon nga kon ang managlive-in partner nga way kabilinggan sa pagpakasal sa usa’g usa, nagtipon isip magtiayon ug nakapalit  og property atol sa ilang panagtipon then ang property nga ilang napalit makonsiderar nga gipanag-iya nilang duha.

Apan kon ang usa kanila adunay kabilinggan sama sa imong igsuon nga wa pa ma annul sa iyang  first marriage,  gikinahanglan ang actual contribution sa iyang live-in partner aron siya maka-claim og share sa property nga ilang napalit basi sa Article 148 sa atong Famiy Code. Apan dili gyud layo ang posibilidad nga ang kanhi asawa sa imong igsuon mo claim og share sa property nga mapalit sa imong igsuon tungod kay basi sab sa atong balaod , any properties nga ma-acquire sa magtiayon during their marriage makonsiderar kining gipanag-iya sa magtiayon. Busa aron dili mamahimong komplikado ang kinabuhi sa imong igsuon mas maayong iya unang ipa annul ang iyang first marriage una siya makigtipon og laing babaye or una siya mamalit og mga property aron dili siya maproblema unya niini tungod sa posibilidad sa pag-claim sa iyang legal wife og share sa tanang properties nga iyang mapundar tungod kay siya man ang legal wife. Thanks and God bless. —  Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo. com ug akong tubagon ang inyong pangutana pinaagi sa akong column matag Miyerkules, Sabado ug Domingo.

 

LEGAL WIFE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with