Ug sa dihang misiga dagitab ang kandilang dagitab
Nahimong daw sa ngitngit ang palibot. Nahimong akong katupad ang libro sa Criminal Psychology nga gisugdan nako og basa niana pang adlawan. Akong nakita nga sa may ulohang bahin nagsiga ang akong mga kandilang dagitab daw sama ako sa minatay nga gihaya.
Nibangon ko, nilingkod ug niginhawa og lawom dungan ang paghunahuna og maayo aron mahimong good vibes ang adlaw ning alas tres sa kaadlawon ang sagad nga takna sa akong pagbangon. Dinhi nibidlisiw ang bag-ong hayag sa kaamgohan nga mahinungdanon diay nga magpakahilom na lang sa tanang panahon ug himoong mokisaw ang bagting sa agoniyas sa kamatayon sa personal nga pangindahay ug ambisyon.
Kini tungod kay dili sa tanang higayon nga ang pagpundok makapaayo dunay mga butang ug pangandoy nga atong ihatag aron kita maayo. Ug sa dihang nihayag na ang palibot gidaog ang kaanindot sa kandilang dagitab sa mas hayag ug makapabuhing bidlisiw ni haring adlaw.
- Latest