Sakit sa president
SAKSAK SINAGOL - Lucky Malicay (Banat) - October 10, 2018 - 12:00am

Aduna bay seryoso nga sakit si Presidente Rodrigo Duterte?  Mao kini ang dakong nga pangutana karon luyo sa mga taho nga mipaubos siya og medical examination sa usa ka hospital didto sa kaulohan dili pa lamang dugay.

Kaniadtong Huwebes, miangkon si Duterte nga mipailawom siya sa endoscopy and colonoscopy sa Cardinal Santos Medical Center.

Ug mi-advise kuno ang doktor nga mopaubos pa siya pag-usab sa eksaminasyon aron mahibaw-an ang estado sa unod nga mitubo sa iyang tiyan.

Daghan siguro ang naghunahuna nga seryoso karon ang kondisyon sa panglawas sa presidente.

Kana kay gipabalik siya sa doctor alang sa dugang nga test timailhan siguro sa usa ka dako nga kabilinggan sa iyang panglawas.

Apan kon si Health Secretary Francisco Duque III ang pangutan-on, wala kunoy ikaalarma ang katawhan nga Pilipino sa kondisyon  sa panglawas ni Duterte.

Sa edad nga 73, normal lamang kuno nga dali ra siyang kapoyon sa iyang trabaho.

Hinuon matud ni Duque nga walay sinyales nga adunay seryosong sakit ang presidente.

Dili gayud kalikayan nga ang kahimtang sa panglawas sa pangulo sa nasud maoy nag-unang seryoso nga isyu sa iyang pagpangatungdanan.

Importante gayud nga pabilin kini nga anaa sa maayong kondisyon aron nga pabiling maayo ang iyang pagpadagan sa kalihokan sa nasud.

Kay kon moabot ang panahon nga mopalyar na ang kondisyon sa iyang panglawas, dili gayud ikalimod nga dako kini og epekto sa iyang pagpangatungdanan ug nga basin usab kon sakyan kini sa oposisyon.

Unsa kahay resulta sa eksaminasyon sa doktor sa kahimtang ni Duterte.

Hinuon angay lamang usab nga mahibalo ang katawhan niini.

Walay rason nga dili kini ibutyag sa kagamhanan tungod kay katungod sa masa nga mahibaw-an ang unsa mang balatian niini.

Hinuon nagmalaumon ang katawhan nga dili seryoso ang kahimtang sa presidente.

Dili maayong balita ang mahitungod sa kondisyon sa iyang panglawas niining panahona nga mora’g iring ug iro ang dula karon taliwala sa administrasyon ug oposisyon.

PRESIDENT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with