Pag-usik sa panahon
AMBOT LANG - Gerry Auxilio (Banat) - October 9, 2018 - 12:00am

Gipahibawo ni Senador Sherwin Gatchalian nga nagkasabot ang mga sakop sa Senado nga magpahigayon sila og imbestigasyon sa nahitabo nga pagdahili sa yuta sa Barangay Tinaan sa Dakbayan sa Naga. Ang hitabo sa Naga mikalas og 78 ka mga tawo nga nalubong buhi sa yuta nga midahili.

Ang paghimo og imbestigasyon gahom nga gihatag sa Batakang Balaud ngadto sa mga magbabalaud. Gahom kini nga ang bugtong tumong ug tuyo mao ang pagtabang sa mga magbabalaud  sa ilang pagpanday og balaud ( in aid of legislation ).

Pero kasagaran sa atong nakita sa mga nanglabay nga mga Congressional investigation sa Senado ug Ubos Bay balauranan wala man silay produkto. Wala man magbunga og balaud ang ilang mga imbestigasyon. Igo man lang sila sa pasikat.

Karon mohimo na pud ang Senado og imbestigasyon sa nahitabong pagdahili sa yuta sa dakbayan sa Naga aron ilang masuta ug maila kinsa ang manubag sa pagkamatay sa 78 ka mga tawo.

Hangtod karon wala pa gihapon masayod ang Senado kinsa ang manubag sa hitabo? Pagkauwahi ba nila sa balita. Gawas pa, mangutana pa ba sila kinsa ang manubag nga klaro na man na sila?

Ang angayan nga himuon sa Senado mao ang pagpadali sa pagpasaka og kaso sa mga responsable ug dili ang paglangay-langay pinaagi sa pagpahigayon pa og imbestigasyon.

Ang laraw nga imbestigasyon nga pagahimuon sa Senado sa nahitabo sa Naga pagusik-usik lang sa oras ug salapi sa gobiyerno tungod kay paingon ra gihapon kini sa way kahimuan. Masusama ra gihapon kini sa nangaging mga imbestigasyon nga walay migawas nga resulta.

Kon ugaling may makuha man sa imbestigasyon, dili ang mga biktima sa midahili nga yuta ang makabenepisyo kondili ang mga Senador kay mogawas man silang sikat.

Kon mao man lang gani kini maayo pay maghilom na lang ang mga Senador.

SHERWIN GATCHALIAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with