Doppleganger

Nagpasabot kini nga ang tawo dunay double sa iyang kaugalingon. Mahimong autoscopic ang kinaiya nga nagpasabot nga ang imong ka double imo lang makita o dili ba kaha heautoscopic kun dunay interaction nga mahitabo tali nimo ug sa imong double.

Gitawag kini ni Oliver Sacks nga Hallucination of Oneself. Gumikan sa problema sa utok tingali kay kuwang ang blood supply mahimong mahitabo kining maong phenomenon. Dili dayon nato isipon nga kini espirituhanon sanglit mahimong primitive ra kaayo ang interpretation.

Apan ang maong double mahimong sabton nato nga projection sa atong kaugalingong kahimtang. Mahimong mahigalaon o dili ba kaha pintas. Ang atong kaugalingon atong himoon nga balanse diha sa pagsabot nato niini.

Ang problemang emosyonal o sikolohikal mahimong magdala kanato ning maong kahimtanga busa ang angay nga himoon mao nga unta mahimong himsog ang pag-ila nato sa atong kaugalingon aron dili kita mamahimong mga biktima sa ato mismong anino.

Ang himsog nga pag-ila nagpasabot nga atong higugmaon ang atong kaugalingon sa mas hamtong nga paagi aron mahigugma usab ang atong isigkaingon.