EDITORYAL - Problema sa trapiko
(Banat) - September 14, 2018 - 12:00am

Ang usa ka lugar kon paspas ang negosyo mopaspas usab ang paglambo. Dungan niini ang pagdagsa sa daghang mga tawo tungod kay naa may daghang kapanginabuhian.

Dala sa kalamboan ang daghang mga problema apil niini ang trapiko kay kon modaghan ang mga tawo  modaghan usab ang mga sakyanan.

Sa pagdaghan sa mga sakyanan sa kadalanan gikinahanglan ang dugang imprastraktura sama sa mga dalan, taytayan ug epektibong traffic system alang sa hapsay nga trapiko.

Ang Cebu City usa sa mga ehemplo sa lugar nga paspas ang paglambo. Apan tungod sa kapaspas, nabiyaan og maayo ang mga  imprastraktura niini. Hinungdan nga aduna kini dakong problema sa trapiko.

Nasayran nga ang traffic system sa siyudad 30 ka tuig na sukad nga kini gimuntar. Si Cebu City Concilor Jerry Guardo, tsirman sa komitiba sa transportasyon miingon nga kinahanglan na kining ilisan.

Kay gawas na karaan na kaayo, mas daghan pa ang guba o wala na mag-function itandi sa mga nag-function pa. Normal man gyud kini nga maguba kay ekipo man kini nga kada adlaw nagdagan sud na sa 30 ka tuig.

Dinhi sa dakbayan daghang mga traffic lights ang wala na mogana, ug nabantayan nga kon diin kining mga gubaon na ang mga traffic lights anha sab sagad mahitabo kining pagbara sa trapiko.

Dugangan pa nga daghang mga abusadong drayber, pasaheroan man o mga pribadong sakyanan migrabe ang problema kay dili na makamaong mo-give way sa uban.

Adunay mga drayber nga bisan og nakita na nilang nabara na sa unahan ug mataud-taoran pang makaabante, mopugos gyud og tabok hinungdan nga matanggong sila sa junction box. Ini og abante sa ka-kurus nga lane, wala nay padulngan.

Misamot pa gyud ang problema kay walay traffic enforcers kining mga eskina nga guba ang traffic lights, apan adunay mga eskina nga maayo pa ang traffic lights nga doble-doble ang nagbantay. Dili ba kini sayop?

 

TRAPIKO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with