Salamat Lilo-an

Kini ang akong masulti human ang kaparian sa parokya ni San Fernando sa Lilo-an nga silang Frs. Willy, Jam, Leo ug Nyor Junnie ang nihatag og kahigayonan aron makahimo kami sa among Mission Appeal. Ingon man salamat sa tanang taga Lilo-an nga nihatag ug nipaambit sa ilang grasya ngari namo. Salamat gyud kaayo.

Apan sa laing bahin akong nakita sa maong kasinatian nga dili gyud diay babag ang kalisud ug kakulang labina kon maghisgot kita sa pagkamanggihatagon.

Anaa gyud kini sa tawo ug anaa kini mismo sa iyang hunahuna ug pagbati. Daghan ang nahimong mga maayo gumikan sa kaayo usab sa uban. Daghan ang nahimong maayo kay gitugotan man nga mausab. Sa mga sunodsunod nga patay ug kamatay nahimo ba kaha kitang mapasalamaton kay ang giisip nga mga dautan atoa naman sa minteryo?

Ang kinabuhi gasa ug kay gasa ato kining palipangon ug dili kutloon.

Apan unta usab ang mga hingtungdang masalaypon dili magpalabi aron dauton ang uban gumikan sa bisyong way hinungdan kay kini ang makapahaling sa may kapungot nga mohago aron kinabuhing hinulaman ilang kutloon sa igong kasayon.