Labing maayong prutas sa diabetic (1)
Sagad sa nag-una’ng 10 ka mga sakit sa atong panahon, naggumikan kini sa mga komplikasyon sa diabetes.
Gibanabana sa 2017 estatistika sa tibuok kalibutan, nga gikan sa nag-edad og 20-79, aduna nay 489.3 milyones ang gi-diabetes, ug gipanglantawan sa tuig 2045, mosaka kini ngadto sa 690.6 milyones.
Kon kita anaa niini’ng mao nga kondisyon sa panglawas, dili kita angay madesperado kay ang diabetes, aduna na may mga natural nga pang-alibyo, pinaagi sa ‘dietary lifestyles’, nga gihaum alang sa pagkontrol sa ’bloodsugar’.
Ang pagkonsumo’g mga tam-is, mao kini ang angay kontrolahon, aron dili mograbe nga moresulta sa mga komplikasyon.
Gisugyot sa mga eksperto nga mas makaayo ang pagkonsumo sa giisip nila nga mga labing maayo’ng prutas alang sa gi-diabetes, sama sa mga mosunod;
* Blueberries – ubos kini’g ‘asukar’ (glycemic index), nga ang 100 gramos ini, 10 gramos lang ang ‘asukar’, ug nagbaton pa og duha ka matang sa ‘fibers’. Nga importante kaayo kini aron di dayon matandog o mosaka ang ‘bloodsugar’.
Mao ni ang rason, nga ang 10 ka gramos sa ‘candy bar’ dili managsama og epekto kaysa natural nga asukar sa prutas, aron kapugngan pa ang paglihok sa ‘blood sugar’ kay menus ni sa ‘GI’, labi na sa ‘blueberries.’
Dugang pa ini, ang blueberries naghatag sab ni’g mga gikinahanglan nga nutrens ug antioxidants, aron maprotehian ang mga selyula batok sa ikadaut ini.
Bisa’g mogahi pa kini sa ref, pabilin ang kaepektibo sa mga sustansya niini.
* Strawberries – mas menus ni og asukar kaysa blueberries, nga nagbaton lang og 5 gramos nga asukar kada 100 gramos sa strawberries. Mas bentaha kini nga mao’y konsumohon. Daghan sab ni’g mahatag nga mga sustansya.
- Latest
